"ವಿಮಾನನಿಲ್ದಾಣದಲ್ಲಿ ಕಂಡ ‘ವೈರಲ್’ ದರ್ಶನ್ ವಿಡಿಯೋ; ದರ್ಶನ್ ವಿದೇಶಕ್ಕೆ ತೆರಳಿದ್ದು ನಿಜವೇ?"
SStv
June 25, 2025
ನಟ ದರ್ಶನ್ ಇದೀಗ ತಮ್ಮ ಹೊಸ ಸಿನಿಮಾ ಡೆವಿಲ್ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದು, ಈ ಹಿನ್ನಲೆಯಲ್ಲಿ ವಿದೇಶ ಪ್ರವಾಸಕ್ಕೆ ಸಿದ್ಧತೆ ನಡೆಸಿದ್ದಾರೆ. ದುಬೈ ಮತ್ತು ಯುರೋಪ್‌ನಲ್ಲಿರುವ ಪ್ರಮುಖ ದೃಶ್ಯಗಳ ಶೂಟಿಂಗ್‌ಗಾಗಿ ಅವರು ತೆರಳುವ ಸಾಧ್ಯತೆಯಿದೆ.
ಕಳೆದ ವಾರದಿಂದ ವಿದೇಶಕ್ಕೆ ಹೊರಡುತ್ತಿದ್ದಂತೆ ತೋರುವ ವಿಡಿಯೋವೊಂದು ವೈರಲ್ ಆಗಿದ್ದು, ಅಭಿಮಾನಿಗಳಲ್ಲಿ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಅವರ ಪತ್ನಿ ವಿಜಯಲಕ್ಷ್ಮಿ ಮತ್ತು ಮಗನೊಂದಿಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿರುವ ದೃಶ್ಯಗಳು ಈ ಮಾತಿಗೆ ಬಲ ನೀಡಿದರೂ, ನ್ಯಾಯಾಲಯವು ದರ್ಶನ್‌ಗೆ ವಿದೇಶ ಪ್ರಯಾಣಕ್ಕೆ ನೀಡಿರುವ ಅನುಮತಿ ಜುಲೈ 1ರಿಂದ ಜುಲೈ 27ರವರೆಗೆ ಮಾತ್ರ.
ಹೀಗಾಗಿ, ಜೂನ್ ತಿಂಗಳಲ್ಲಿ ವಿಮಾನ ನಿಲ್ದಾಣದಲ್ಲಿ ಕಂಡುಬಂದ ಈ ದೃಶ್ಯಗಳು ಅವರು ದೇಶದೊಳಗಿನ ಸ್ಥಳ ಹೈದರಾಬಾದ್ ಅಥವಾ ಮುಂಬೈಕ್ಕೆ ಹೋಗಿದ್ದನ್ನು ಸೂಚಿಸಬಹುದೆಂಬ ಅನುಮಾನವೂ ಇದೆ. ಕೋರ್ಟ್ ಶರತ್ತುಗಳ ಪ್ರಕಾರ, ಮುಂದಿನ ವಿಚಾರಣೆಗೆ ದರ್ಶನ್ ಹಾಜರಾಗಲೇಬೇಕು.
