‘ರಾಧಾ ರಮಣ’ ನಟಿ ಕಾವ್ಯ ಗೌಡ ಜೊತೆ ಪಂಚತಾರಾ ಹೋಟೆಲ್‌ನಲ್ಲಿ ವಿಜಯಲಕ್ಷ್ಮೀ ದರ್ಶನ್ ಔಟಿಂಗ್

ಕನ್ನಡ ಟಿವಿ ಪ್ರೇಕ್ಷಕರ ಮನದಲ್ಲಿ ಹೆಸರು ಮಾಡಿದ ‘ರಾಧಾ ರಮಣ’, ‘ಗಾಂಧಾರಿ’ ಧಾರಾವಾಹಿ ನಟಿ ಕಾವ್ಯ ಗೌಡ, ಇತ್ತೀಚೆಗೆ ತಮ್ಮ ಸಹೋದರಿ ಮತ್ತು ಆಪ್ತರ ಜೊತೆ ವಿಶೇಷ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಕಾವ್ಯ ಗೌಡ ಹಾಗೂ ಫ್ಯಾಷನ್ ಎಜುಕೇಟರ್, ಸ್ಟೈಲಿಸ್ಟ್ ಭವ್ಯ ಗೌಡ ಸಹೋದರಿಯರ ಜೀವನದಲ್ಲಿ ವಿಶೇಷ ಸ್ಥಾನ ಪಡೆದಿರುವವರು ನಟ ದರ್ಶನ್ ಅವರ ಪತ್ನಿ ವಿಜಯಲಕ್ಷ್ಮೀ ದರ್ಶನ್.

ಇತ್ತೀಚೆಗೆ, ಬೆಂಗಳೂರಿನ ಐಷಾರಾಮಿ ಪಂಚತಾರಾ ಹೋಟೆಲ್ ದಿ ರಿಟ್ಜ್ ಕಾರ್ಲ್‌ಟನ್ನಲ್ಲಿ ವಿಜಯಲಕ್ಷ್ಮೀ ದರ್ಶನ್, ಕಾವ್ಯ ಗೌಡ ಹಾಗೂ ಭವ್ಯ ಗೌಡ ಜೊತೆಗೆ ಔಟಿಂಗ್‌ಗೆ ತೆರಳಿದ್ದರು. ಹೋಟೆಲ್‌ನ ಆಕರ್ಷಕ ವಾತಾವರಣದಲ್ಲಿ ಕೆಲ ಸಮಯ ಕಳೆಯುತ್ತಾ, ಮಾತುಕತೆ ನಡೆಸುತ್ತಾ, ಒಟ್ಟಾಗಿ ವಿಶೇಷ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ.

ಈ ವಿಶೇಷ ಔಟಿಂಗ್ ವೇಳೆ ಕ್ಲಿಕ್ ಮಾಡಲಾದ ಫೋಟೋಗಳನ್ನು ಕಾವ್ಯ ಗೌಡ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋಗಳಲ್ಲಿ ವಿಜಯಲಕ್ಷ್ಮೀ ದರ್ಶನ್ ಹಾಗೂ ಕಾವ್ಯ ಗೌಡ ಸಹೋದರಿಯರ ಸ್ನೇಹ ಹಾಗೂ ಆಪ್ತತೆ ಸ್ಪಷ್ಟವಾಗಿ ಗೋಚರಿಸಿದೆ. ಅಭಿಮಾನಿಗಳು ಈ ಫೋಟೋಗಳನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದು, “ಅದ್ಭುತ ಸ್ನೇಹ”, “ನಿಮ್ಮ ಬಾಂಧವ್ಯ ನೋಡಿ ಖುಷಿ ಆಯಿತು” ಎಂದು ಕಾಮೆಂಟ್‌ ಮಾಡಿದ್ದಾರೆ.

ಕಾವ್ಯ ಗೌಡ ಹಾಗೂ ವಿಜಯಲಕ್ಷ್ಮೀ ದರ್ಶನ್ ನಡುವೆ ಆಪ್ತ ಸ್ನೇಹವಿದೆ. ಕಾವ್ಯ ಗೌಡ ಮನೆಯ ಹಲವಾರು ಕಾರ್ಯಕ್ರಮಗಳಲ್ಲಿ ವಿಜಯಲಕ್ಷ್ಮೀ ದರ್ಶನ್ ಭಾಗಿಯಾಗುತ್ತಾರೆ. ಅದೇ ರೀತಿ, ಭವ್ಯ ಗೌಡ ಕುಟುಂಬ ಕಾರ್ಯಕ್ರಮಗಳಲ್ಲಿಯೂ ವಿಜಯಲಕ್ಷ್ಮೀ ಅವರ ಹಾಜರಾತಿ ಸಾಮಾನ್ಯ. ಈ ಸ್ನೇಹವನ್ನು ಈಗಿನ ಔಟಿಂಗ್ ಮತ್ತಷ್ಟು ಗಾಢಗೊಳಿಸಿದೆ ಎನ್ನಬಹುದು.

ಮಗುವಾದ ನಂತರ ಕಾವ್ಯ ಗೌಡ ನಟನೆಯಿಂದ ಸ್ವಲ್ಪ ಬ್ರೇಕ್ ಪಡೆದಿದ್ದಾರೆ. ಆದರೂ ಅವರು ಅಭಿಮಾನಿಗಳೊಂದಿಗೆ ಹಾಗೂ ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಈ ಔಟಿಂಗ್ ಫೋಟೋಗಳು ಸದ್ಯ ಅಭಿಮಾನಿಗಳ ನಡುವೆ ಟ್ರೆಂಡ್ ಆಗುತ್ತಿದ್ದು, ವಿಜಯಲಕ್ಷ್ಮೀ ದರ್ಶನ್ – ಕಾವ್ಯ ಗೌಡ – ಭವ್ಯ ಗೌಡರ ಸ್ನೇಹಕ್ಕೆ ಮತ್ತಷ್ಟು ಬಣ್ಣ ತುಂಬಿವೆ.