“ಬಟ್ಟೆ ಚೆನ್ನಾಗಿದ್ದರೂ ಟೀಕೆ, ಇಂಗ್ಲಿಷ್ ಮಾತಾಡಿದರೂ ಟ್ರೋಲ್!” – ಮಜಾಭಾರತ ಸುಶ್ಮಿತಾ ಗೌಡ ನೋವಿನ ಮಾತು
SStv
June 26, 2025
‘ಮಜಾಭಾರತ’ ಕಾಮಿಡಿ ಶೋ ಮೂಲಕ ಮನೆಮಾತಾದ ಜಗ್ಗಪ್ಪ ಮತ್ತು ಸುಶ್ಮಿತಾ ಗೌಡ ಜೋಡಿ, ನಿಜ ಜೀವನದಲ್ಲೂ ಯಶಸ್ವಿ ದಾಂಪತ್ಯ ಜೀವನ ನಡೆಸುತ್ತಿದ್ದಾರೆ. ಅವರು ಇಬ್ಬರೂ ಹಾಸ್ಯಮಯವಾಗಿ ಪ್ರೇಕ್ಷಕರನ್ನು ರಂಜಿಸುತ್ತಿದ್ದರೆ, ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೋಲ್‌ಗಳ ರೂಪದಲ್ಲಿ ನೋವನ್ನೂ ಅನುಭವಿಸುತ್ತಿದ್ದಾರೆ.
ಇತ್ತೀಚಿನ ಸಂದರ್ಶನವೊಂದರಲ್ಲಿ ಸುಶ್ಮಿತಾ ಅವರು ತಮ್ಮ ಜೀವನದ ಅಸಲಿಯತ್ತನ್ನು ಬಹಿರಂಗವಾಗಿ ಹಂಚಿಕೊಂಡಿದ್ದಾರೆ. “ನಾನು ಸುಂದರ ಬಟ್ಟೆ ಹಾಕಿಕೊಂಡರೂ ಟೀಕೆ ಮಾಡುತ್ತಾರೆ, ಕೆಲವೇ ಇಂಗ್ಲಿಷ್ ಪದಗಳನ್ನು ಬಳಸಿದರೂ ‘ಇಂಗ್ಲಿಷ್‌ಗೆ ಹುಟ್ಟಿದವಳಂತೆ’ ಎಂದು ಟೀಕೆ ಮಾಡುತ್ತಾರೆ” ಎಂಬಂತೆ ತಮ್ಮ ತಳಮಳವನ್ನು ಪ್ರಕಟಿಸಿದ್ದಾರೆ.
“ನಾನೀಗ ಶೂಟಿಂಗ್ ಇದ್ದರೆ ಬೆಳಗ್ಗೆ 4ಕ್ಕೆ ಎದ್ದು ಮನೆ ಕೆಲಸ ಮುಗಿಸಿ ಹೋಗುತ್ತೇನೆ. ಮನೆಯವರಿಗಾಗಿ ತಯಾರಿ ಮಾಡಿರುವುದು ನನ್ನ ಕರ್ತವ್ಯ. ಆದರೆ ಜನರು ನಮ್ಮ ಕೆಲಸವನ್ನೆಲ್ಲ ಕಣ್ಮರೆಯಾಗಿ ಕೇವಲ ವೆಸ್ತುಗಳ ಮೇಲೆ ಟೀಕೆ ಮಾಡುತ್ತಾರೆ” ಎಂದು ಅವರು ವಿಷಾದ ವ್ಯಕ್ತಪಡಿಸಿದ್ದಾರೆ. ಜಗ್ಗಪ್ಪ ಕೂಡ ತಮ್ಮ ಹಳೆಯ ದಿನಗಳನ್ನು ನೆನೆದು, “ಮೊದಲು ನನ್ನ ಬಳಿ ಎರಡು–ಮೂರು ಪ್ಯಾಂಟ್ ಟೀಶರ್ಟ್ ಇದ್ದಷ್ಟು. ದುಡ್ಡೇ ಇರಲಿಲ್ಲ. ಮಜಾಭಾರತ ಬಂದಾಗ ಬದುಕು ಬದಲಾಗಿದೆ. ನನ್ನ ಜೀವನಕ್ಕೆ ನಗರ ಅರಿವು ಕೊಟ್ಟವಳು ಸುಶ್ಮಿತಾ” ಎಂದು ಹೇಳಿದ್ದಾರೆ.
ವಿವಾಹ–ವಿಚ್ಛೇದನೆ ವದಂತಿಗಳ ಬಗ್ಗೆ ಅವರು ಸ್ಪಷ್ಟವಾಗಿ “ನಮ್ಮಿಬ್ಬರ ಜೀವನ ಚೆನ್ನಾಗಿದೆ. ಹೊರಗಿನವರು ನಮ್ಮನ್ನು ದೂರ ಮಾಡುವ ಯತ್ನ ಬಿಡಲಿ” ಎಂಬ ಸಂದೇಶ ನೀಡಿದ್ದಾರೆ.
