ಜೈಲಿನಲ್ಲಿರುವ ದರ್ಶನ್ ನೆನಪಿನಲ್ಲಿ ಹಬ್ಬ ಆಚರಿಸಿದ ಪತ್ನಿ ವಿಜಯಲಕ್ಷ್ಮಿ – ಕಪಲ್ ಪಿಕ್ ವೈರಲ್!

ಸ್ಯಾಂಡಲ್‌ವುಡ್ ನಟ ದರ್ಶನ್ ಇದೀಗ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ಇದ್ದರೂ, ಅವರ ಪತ್ನಿ ವಿಜಯಲಕ್ಷ್ಮಿ ದರ್ಶನ್ ಗೌರಿ ಗಣೇಶ ಹಬ್ಬವನ್ನು ವಿಶೇಷ ರೀತಿಯಲ್ಲಿ ಆಚರಿಸಿದ್ದಾರೆ. ಆಗಸ್ಟ್ 14ರಂದು ಸುಪ್ರೀಂ ಕೋರ್ಟ್ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಜಾಮೀನು ರದ್ದುಪಡಿಸಿದ ನಂತರ, ದರ್ಶನ್ ಹಾಗೂ ಪವಿತ್ರಾ ಗೌಡ ಸೇರಿ ಏಳು ಮಂದಿ ಆರೋಪಿಗಳನ್ನು ಬಂಧಿಸಲಾಯಿತು. ಆ ದಿನದಿಂದ ಇಂದಿನವರೆಗೆ ದರ್ಶನ್ ಜೈಲಿನಲ್ಲಿಯೇ ಇದ್ದು, ಸ್ವಾತಂತ್ರ್ಯೋತ್ಸವ, ಜನ್ಮಾಷ್ಟಮಿ, ರಾಖಿ ಹಬ್ಬ ಸೇರಿದಂತೆ ಯಾವ ಹಬ್ಬವನ್ನೂ ಕುಟುಂಬದೊಂದಿಗೆ ಕಳೆಯಲು ಸಾಧ್ಯವಾಗಿಲ್ಲ.

ಗೌರಿ ಗಣೇಶ ಹಬ್ಬದ ಸಂದರ್ಭದಲ್ಲಿ ವಿಜಯಲಕ್ಷ್ಮಿ ದರ್ಶನ್ ತಮ್ಮ ಗಂಡನೊಂದಿಗೆ ಇರುವ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ತಿಳಿಹಸಿರು ಬಣ್ಣದ ಸಲ್ವಾರ್ ಧರಿಸಿ ನಗುತ್ತಾ ಗಂಡನ ಜೊತೆಗೆ ಕಾಣಿಸಿಕೊಂಡ ವಿಜಯಲಕ್ಷ್ಮಿಯ ಚಿತ್ರ ಅಭಿಮಾನಿಗಳ ಗಮನ ಸೆಳೆದಿದೆ. ದರ್ಶನ್ ಕಪ್ಪು ಶರ್ಟ್ ಹಾಗೂ ಬೂದಿ ಬಣ್ಣದ ಜೀನ್ಸ್ ಧರಿಸಿದ್ದು, ಇಬ್ಬರೂ ಜೋಡಿ ಪೋಸ್‌ನಲ್ಲಿ ಇದ್ದರು. “ಗೌರಿ ಗಣೇಶ ಹಬ್ಬದ ಹಾರ್ದಿಕ ಶುಭಾಶಯಗಳು” ಎಂಬ ಕ್ಯಾಪ್ಷನ್‌ನೊಂದಿಗೆ ಫೋಟೋ ಶೇರ್ ಮಾಡಿದ ವಿಜಯಲಕ್ಷ್ಮಿಯ ಪೋಸ್ಟ್ ಕೇವಲ ಅರ್ಧ ಗಂಟೆಯಲ್ಲೇ 45 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದಿದೆ. ಅನೇಕ ಅಭಿಮಾನಿಗಳು ಶುಭಾಶಯ ಕಮೆಂಟ್‌ಗಳನ್ನೂ ಬರೆದಿದ್ದಾರೆ.

ದರ್ಶನ್ ಬಂಧನವಾದ ನಂತರ ವಿಜಯಲಕ್ಷ್ಮಿ ಒಮ್ಮೆ ಜೈಲಿಗೆ ತೆರಳಿ ಗಂಡನನ್ನು ಭೇಟಿಯಾದರು. ಸಾಮಾನ್ಯ ಎಂಟ್ರಿ ಹಿನ್ನಲೆಯಲ್ಲಿ ಕೇವಲ ಅರ್ಧ ಗಂಟೆ ಮಾತುಕತೆಗೆ ಮಾತ್ರ ಅವಕಾಶ ದೊರಕಿತ್ತು. ಗಂಡನೊಂದಿಗೆ ಮಾತುಕತೆಯಲ್ಲಿ ಮಗನ ವಿಷಯವೂ ಚರ್ಚೆಯಾಯಿತೆಂದು ತಿಳಿದುಬಂದಿದೆ. ಇದರ ಮಧ್ಯೆ ದರ್ಶನ್ ನಟನೆಯ “ಡೆವಿಲ್” ಚಿತ್ರದ ಇದ್ರೇ ನೆಮ್ದಿಯಾಗ್ ಇರ್ಬೇಕ್ ಎಂಬ ಹಾಡು ಸ್ಯಾಂಡಲ್‌ವುಡ್‌ನಲ್ಲಿ ಭಾರೀ ಕ್ರೇಜ್ ಹುಟ್ಟಿಸಿದೆ. ಕೇವಲ 22 ಗಂಟೆಗಳಲ್ಲಿ 10 ಮಿಲಿಯನ್ ವೀಕ್ಷಣೆ ಗಳಿಸಿದ ಈ ಹಾಡು, ರೀಲ್ಸ್ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ಆಗಿದೆ. ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜನೆ, ದೀಪಕ್ ಬ್ಯೂ ಗಾಯನ ಹಾಗೂ ಸಂತೋಷ್ ಶೇಖರ್ ಕೋರಿಯೋಗ್ರಫಿಯ ಈ ಹಾಡು ಪ್ರೇಕ್ಷಕರ ಹೃದಯ ಗೆದ್ದಿದೆ.

 ಗಂಡ ಜೈಲಿನಲ್ಲಿದ್ದರೂ, ಹಬ್ಬದ ಸಂಭ್ರಮದಲ್ಲಿ ಕುಟುಂಬದ ಒಡನಾಟದ ಭಾವನೆ ಹಂಚಿಕೊಂಡ ವಿಜಯಲಕ್ಷ್ಮಿ ದರ್ಶನ್ ಅವರ ಈ ಪೋಸ್ಟ್ ಅಭಿಮಾನಿಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.