ಬಿಗ್​​ಬಾಸ್​ಗೆ ಸವಾಲು ಹಾಕಿದ್ದ ಜಗದೀಶ್ ಕಿಚ್ಚನ ಮುಂದೆ ಭಾವುಕ

ಬಿಗ್​​ಬಾಸ್​ಗೆ ಸವಾಲು ಹಾಕಿದ್ದ ಜಗದೀಶ್ ಕಿಚ್ಚನ ಮುಂದೆ ಭಾವುಕ 'ಬಿಗ್​ಬಾಸ್ ಕನ್ನಡ' ಸೀಸನ್ 11ರ ಲಾಯರ್ ಜಗದೀಶ್, ಮೊದಲ ವಾರ ತೋರಿಸಿದ್ದ ಅಬ್ಬರಕ್ಕೆ ಪ್ರಸಿದ್ಧರಾಗಿದ್ದರು. ಶೋ ನಿಲ್ಲಿಸುವುದಾಗಿ, ಬಾಗಿಲು ಒಡೆಯುವುದಾಗಿ ದರ್ಪ ತೋರಿಸಿದ್ದ ಜಗದೀಶ್, ಎರಡನೇ ವಾರಕ್ಕೆ ತುಸು ಮೆತ್ತಗಾಗಿದ್ದಾರೆ. ಶನಿವಾರದ ಎಪಿಸೋಡ್‌ನಲ್ಲಿ ಸುದೀಪ್ ಜೊತೆ ಮಾತಾಡುವಾಗ ಭಾವುಕರಾದ ಅವರು, ತಮ್ಮ ಹೃದಯದ ಮಾತು ಹಂಚಿಕೊಂಡರು. ಬಿಗ್​​ಬಾಸ್ ಮನೆಯಿಂದ ಜಗದೀಶ್‌ಗೆ ಬಂದ ಉಡುಗೊರೆಯಾದ ಹೃದಯ ಮತ್ತು ಕೆಂಪು ಬನಿಯನ್, ಚಡ್ಡಿಯನ್ನು ಕಂಡು ಅವರು ಖುಷಿಪಟ್ಟರು. "ನನ್ನೊಳಗಿರುವ ಮಗುವನ್ನು ತೋರಿಸಲು ಬಿಗ್​ಬಾಸ್‌ಗೆ ಬಂದಿದ್ದೇನೆ" ಎಂದ ಅವರು, ತಮ್ಮ ವೈವಾಹಿಕ ಜೀವನದ ಬಗ್ಗೆ ತಮ್ಮ ಕಳವಳವನ್ನು ವ್ಯಕ್ತಪಡಿಸಿದರು. "ಪತ್ನಿಗೆ ನಾನು ಯಾವತ್ತೂ ನೇಲ್ ಪಾಲಿಶ್ ಹಾಕಿಲ್ಲ, ಯಾಕೆ ನಾನು ಆಕೆಗೆ ಹಾಗಿರಲಿಲ್ಲ?" ಎಂಬ ಸಂಕಟವನ್ನು ತೋಡಿಕೊಂಡರು. ಇದಕ್ಕೆ ಪ್ರತಿಕ್ರಿಯಿಸಿದ ಸುದೀಪ್, "ಬಿಗ್​ಬಾಸ್ ಮನೆಯಲ್ಲಿ ಎಲ್ಲಾ ಎಮೋಷನ್‌ಗಳು ಒಂದೇ ಕಡೆ ಇದ್ದರೆ, ಬದುಕಿನಂತಾದ ಅನುಭವ ಸಿಗುತ್ತದೆ" ಎಂದು ತಿಳಿಸಿದರು. ಮೊದಲ ವಾರದ ತೀವ್ರತೆಗಿಂತ, ಈಗ ಜಗದೀಶ್ ಸ್ವಲ್ಪ ಮೆಲ್ಲಗಾಗಿದ್ದರೂ, ಸ್ಪರ್ಧಿಗಳೊಂದಿಗೆ ಅವರ ಸಂಘರ್ಷ ಮುಂದುವರಿದಿದೆ.