‘ಟಾಕ್ಸಿಕ್’ ಸಿನಿಮಾದ ಮರ ಕತ್ತರಿಕೆ ವಿವಾದ ಎಚ್‌ಎಂಟಿ ನೀಡಿದ ಸ್ಪಷ್ಟನೆ ಯಶ್ ನಟನೆಯ ‘ಟಾಕ್ಸಿಕ್’ ಚಿತ್ರದ ಶೂಟಿಂಗ್ ಸಂದರ್ಭ ಮರಗಳನ್ನು ಕಡಿಯಲಾಗಿದೆ ಎಂಬ ಆರೋಪಗಳ ಹಿನ್ನೆಲೆಯಲ್ಲಿ, ಎಚ್‌ಎಂಟಿ (ಹಿಂದುಸ್ತಾನ್ ಮಷೀನ್ಸ್ ಟೂಲ್ಸ್) ಸ್ಪಷ್ಟನೆ ನೀಡಿದೆ. ಯಶ್ ಸಿನಿಮಾ ತಂಡವು ಎಚ್‌ಎಂಟಿ ಜಾಗದಲ್ಲಿ ಸೆಟ್ ಹಾಕಿದೆಯೆಂಬ ಸುದ್ದಿ ಹರಿದಾಡುತ್ತಿದ್ದು, ಈ ಕುರಿತು ಟ್ವೀಟ್ ಮಾಡಿರುವ ಎಚ್‌ಎಂಟಿ, "ಚಿತ್ರ ಶೂಟಿಂಗ್‌ಗೆ ಬಳಸಿದ ಜಾಗವು ನಮ್ಮ ಸ್ವತ್ತಲ್ಲ, ಅದು ಕೆನರಾ ಬ್ಯಾಂಕ್‌ ಆಸ್ತಿಯಾಗಿದೆ" ಎಂದು ತಿಳಿಸಿದೆ.
ಅರಣ್ಯ ಸಚಿವ ಈಶ್ವರ್ ಖಂಡ್ರೆ ಸಹ ಈ ವಿಷಯದಲ್ಲಿ ಪ್ರತಿಕ್ರಿಯೆ ನೀಡಿದ್ದು, ಎಚ್‌ಎಂಟಿ ತನ್ನ ಜಮೀನನ್ನು ಬಾಡಿಗೆಗೆ ನೀಡಿ ಮರಗಳನ್ನು ಕಡಿಯಲು ಅವಕಾಶ ಮಾಡಿಕೊಟ್ಟಿದೆಯೆಂದು ಆರೋಪಿಸಿದ್ದರು. ಆದರೆ, ಎಚ್‌ಎಂಟಿ, “ನಮ್ಮ ಸ್ವತ್ತಿನಲ್ಲಿ ಯಾವುದೇ ಮರ ಕತ್ತರಿಸಿಲ್ಲ” ಎಂದು ಸ್ಪಷ್ಟನೆ ನೀಡಿದೆ.
ದೊಡ್ಡ ಬಜೆಟ್‌ನ ‘ಟಾಕ್ಸಿಕ್’ ಸಿನಿಮಾ 2025ರ ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಲಿದ್ದು, ಒಂದು ತಿಂಗಳ ಶೂಟಿಂಗ್ ಈಗಾಗಲೇ ಈ ಸ್ಥಳದಲ್ಲಿ ನಡೆದಿದ್ದು, ಎಚ್‌ಎಂಟಿ ಜಾಗದಲ್ಲಿ ಶೂಟಿಂಗ್ ನಡೆದಿಲ್ಲ ಎಂಬುದು ಈಗ ಸ್ಪಷ್ಟವಾಗಿದೆ.
SStv
October 31, 2024
