'ಎಕ್ಕ' ಸಿನಿಮಾ ಓಟಿಟಿ ಬರ್ತಾ ಇದೆಯಾ? – ನಿಜಕ್ಕೂ ಏನು ನಡೆಯುತ್ತಿದೆ?

ರೋಹಿತ್ ಪದಕಿ ನಿರ್ದೇಶನದ 'ಎಕ್ಕ' ಸಿನಿಮಾ ಬಿಡುಗಡೆಯಾಗಿ ಒಂದೂವರೆ ತಿಂಗಳು ಕಳೆದರೂ ಇನ್ನೂ ಓಟಿಟಿಯಲ್ಲಿ ರಿಲೀಸ್ ಆಗಿಲ್ಲ. ಸಿನಿಮಾವನ್ನು ಡಿಜಿಟಲ್‌ನಲ್ಲಿ ನೋಡಲು ಕಾಯುತ್ತಿದ್ದ ಅಭಿಮಾನಿಗಳು "ಇನ್ನೂ ಬರ್ತಿಲ್ಲವೇ?" ಎಂದು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಮಾಡುತ್ತಿದ್ದಾರೆ. ಆದರೆ ನಿಜ ಏನು?

ಮಿಶ್ರ ಪ್ರತಿಕ್ರಿಯೆ ಪಡೆದ ಸಿನಿಮಾ, ವರ್ಷದ ಬಹುನಿರೀಕ್ಷಿತ ಸಿನಿಮಾ ಅಂತಲೇ ಬಂದಿದ್ದರೂ, ‘ಎಕ್ಕ’ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಫಸ್ಟ್ ಹಾಫ್‌ ಸೂಪರ್ ಅನ್ನಿಸಿತ್ತು, ಸೆಕೆಂಡ್ ಹಾಫ್ ಸ್ಲೋ ಎನಿಸಿಬಿಟ್ಟಿತ್ತು ಆದರೂ ಸಿನಿಮಾ ಆರಂಭಿಕ ದಿನಗಳಲ್ಲಿ ಭರವಸೆ ಮೂಡಿಸಿತ್ತು. ಆದರೆ ಮರುವಾರದಲ್ಲೇ ಬಂದ ಕಾಮಿಡಿ ಸಿನಿಮಾ ‘ಸು ಫ್ರಮ್ ಸೋ’ ಭಾರೀ ಹಿಟ್ ಆಗಿ, ‘ಎಕ್ಕ’ನ ಹೈಪ್ ಕುಗ್ಗಿಬಿಟ್ಟಿತ್ತು.

 ಸಿನಿಮಾ ತಂಡ & ನಟವರ್ಗ: 

• ನಿರ್ಮಾಪಕರು: ಪಿಆರ್‌ಕೆ ಪ್ರೊಡಕ್ಷನ್ಸ್, ಕೆಆರ್‌ಜಿ ಸ್ಟುಡಿಯೋಸ್, ಜಯಣ್ಣ ಫಿಲ್ಮ್ಸ್
• ಹೀರೋ: ಯುವ ರಾಜ್‌ಕುಮಾರ್
• ಹೀರೋಯಿನ್ಸ್: ಸಂಜನಾ ಆನಂದ್, ಸಂಪದಾ
• ಪ್ರಮುಖ ಪಾತ್ರಗಳಲ್ಲಿ: ಶ್ರುತಿ, ಅತುಲ್ ಕುಲಕರ್ಣಿ, ಸಾಧುಕೋಕಿಲ
• ಸಂಗೀತ: ಚರಣ್ ರಾಜ್
• ಛಾಯಾಗ್ರಹಣ: ಸತ್ಯಾ ಹೆಗಡೆ

'ಬ್ಯಾಂಗಲ್ ಬಂಗಾರಿ' ಸಾಂಗ್ ಹಿಟ್ ಆಗಿ, ಚಿತ್ರದ ಪ್ಲಸ್ ಪಾಯಿಂಟ್ ಆಗಿತ್ತು. 'ಎಕ್ಕ' ಚಿತ್ರದ ಓಟಿಟಿ & ಸ್ಯಾಟಲೈಟ್ ರೈಟ್ಸ್ ಜೀ ಸಂಸ್ಥೆಗೆ ಮಾರಾಟವಾಗಿದೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ ಇದು ಸುಳ್ಳು! ಆಪ್ತ ಮೂಲಗಳ ಪ್ರಕಾರ, ಸಿನಿಮಾ ಇನ್ನೂ ಅಮೇಜಾನ್ ಪ್ರೈಂ ವೀಡಿಯೋ ಅಥವಾ ಸನ್ ನೆಕ್ಸ್ಟ್ ಜೊತೆಗೆ ಮಾತುಕತೆಯಲ್ಲಿದೆ. ಶೀಘ್ರದಲ್ಲೇ ಡಿಜಿಟಲ್ ಸ್ಟ್ರೀಮಿಂಗ್ ಆಗುವ ನಿರೀಕ್ಷೆ ಇದೆ.

‘ಪಾರ್ವತಿಪುರದ ಮುತ್ತು’ ಸಾಲ ತೀರಿಸಲು ಬೆಂಗಳೂರಿಗೆ ಬಂದು ಕ್ಯಾಬ್ ಡ್ರೈವರ್ ಆಗುತ್ತಾನೆ. ಗ್ಯಾಂಗ್‌ಸ್ಟರ್ ಒಬ್ಬನ ಜೀವ ಉಳಿಸಲು ಹೋಗಿ, ತಾನೇ ಸಂಕಷ್ಟದಲ್ಲಿ ಸಿಲುಕುತ್ತಾನೆ. ಅಜಾಗರೂಕವಾಗಿ ಭೂಗತ ಲೋಕಕ್ಕೆ ಎಂಟ್ರಿ ಕೊಡುತ್ತಾನೆ.
ಮುಂದೆ ಆ ಲೋಕ ಅವನನ್ನು ಎಲ್ಲೆಡೆ ಎಳೆದುಕೊಂಡು ಹೋಗುತ್ತದೆ ಎನ್ನುವುದು ಚಿತ್ರದ ಕಥಾ ಹಂದರ.

ಬಾಕ್ಸ್ ಆಫೀಸ್ ಸಿನಿಮಾ 10 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿತ್ತು. ಮಿಶ್ರ ಪ್ರತಿಕ್ರಿಯೆ ಬಂದರೂ, ಯುವ ರಾಜ್‌ಕುಮಾರ್‌ಗೆ ಚಿತ್ರ ಹೈಪ್ ಕೊಟ್ಟಿತ್ತು. ‘ಎಕ್ಕ’ ಸಿನಿಮಾ ಇನ್ನೂ ಓಟಿಟಿಯಲ್ಲಿ ಬರದೇ ಇರುವುದರಿಂದ ಅಭಿಮಾನಿಗಳ ಕುತೂಹಲ ಹೆಚ್ಚಾಗಿದೆ. ಯಾವ ಪ್ಲಾಟ್‌ಫಾರ್ಮ್‌ನಲ್ಲಿ ಬರ್ತದೆ ಎನ್ನುವುದು ಇನ್ನೂ ಸಸ್ಪೆನ್ಸ್ ಆಗಿದ್ದರೂ, ಶೀಘ್ರದಲ್ಲೇ ಸಿನಿಮಾ ಡಿಜಿಟಲ್‌ನಲ್ಲಿ ಲಭ್ಯವಾಗಲಿದೆ ಎನ್ನುವುದು ಖಚಿತ. ನೀವು ಏನು ಅಂದುತ್ತೀರಾ ‘ಎಕ್ಕ’ ಓಟಿಟಿಯಲ್ಲಿ ಬಂದರೆ ದೊಡ್ಡ ಹಿಟ್ ಆಗುತ್ತದಾ?