‘ಸಿಂಹರೂಪಿಣಿ’ 25 ದಿನಗಳ ಯಶಸ್ಸು ತಂಡದ ಸಂಭ್ರಮ

‘ಸಿಂಹರೂಪಿಣಿ’ 25 ದಿನಗಳ ಯಶಸ್ಸು ತಂಡದ ಸಂಭ್ರಮ ಕೆಜಿಎಫ್ ಖ್ಯಾತಿಯ ಕಿನ್ನಾಳ್ ರಾಜ್ ನಿರ್ದೇಶನದ ಸಿಂಹರೂಪಿಣಿ ಚಿತ್ರವು 25 ದಿನಗಳನ್ನು ಪೂರೈಸಿ ಯಶಸ್ವಿಯಾಗಿ ಮುನ್ನುಗ್ಗುತ್ತಿದೆ. ಅ.17ರಂದು ಬಿಡುಗಡೆಗೊಂಡ ಈ ಚಿತ್ರ ಭಕ್ತಿ ಮತ್ತು ಕಮರ್ಷಿಯಲ್ ಅಂಶಗಳ ಸಮತೋಲನದಿಂದ ಪ್ರೇಕ್ಷಕರ ಮನ ಗೆದ್ದಿದೆ. ಈ ಯಶಸ್ಸಿನ ಹೊತ್ತಿನಲ್ಲಿ ಕಲಾವಿದರ ಹಾಗೂ ತಂತ್ರಜ್ಞರಿಗಾಗಿ ಸ್ವಪ್ನ ಚಿತ್ರಮಂದಿರದಲ್ಲಿ ಪಾರಿತೋಷಕ ವಿತರಣೆ ಕಾರ್ಯಕ್ರಮ ಆಯೋಜಿಸಲಾಯಿತು. ನಿರ್ಮಾಪಕರು ವ್ಯವಹಾರಿಕವಾಗಿ ಸೇಫ್ ಆಗಿದ್ದು, ಸಿನಿಮಾ ತಂಡ 9 ತಿಂಗಳ ಶ್ರಮ ಫಲಿಸಿದಂತೆ ಖುಷಿ ವ್ಯಕ್ತಪಡಿಸಿದರು. ಸಿನಿಮಾ ತಂಡದ ಪ್ರತಿಕ್ರಿಯೆ ಡೈರೆಕ್ಟರ್ ಕಿನ್ನಾಳ್ ರಾಜ್ ಮಾತನಾಡಿ, “ಯೋಗ, ಯೋಗ್ಯತೆ, ಅದೃಷ್ಟ - ಈ ಮೂರು ಈ ಚಿತ್ರವನ್ನು ಯಶಸ್ವಿಗೊಳಿಸಿವೆ. ಪ್ರೇಕ್ಷಕರ ಪ್ರೀತಿ ಮಾತ್ರವಲ್ಲ, ಕಾಂತಾರ ಮಟ್ಟದ ಸೆಕೆಂಡ್ ಹಾಫ್ ಎನ್ನುವ ಮೆಚ್ಚುಗೆ ಸಹ ನಮ್ಮ ಶ್ರಮ ಸಾರ್ಥಕವಾಗಿದೆ. ಚಿತ್ರಕ್ಕೆ ಪಾರ್ಟ್ 2 ಮಾಡುವ ಯೋಜನೆ ಇದೆ,” ಎಂದು ಹೇಳಿದರು. ಸಮಾರಂಭದ ವಿಶೇಷ ಈ ಯಶಸ್ಸು ಉತ್ಸವದಲ್ಲಿ ಯಶಸ್ವಿನಿ, ಅಂಕಿತಾ ಗೌಡ, ಸಂಗೀತ ನಿರ್ದೇಶಕ ಆಕಾಶ್ ಪರ್ವ, ಛಾಯಾಗ್ರಾಹಕ ಕಿರಣ್ ಕುಮಾರ್ ಸೇರಿದಂತೆ ಚಿತ್ರ ತಂಡದ ಹಲವು ಸದಸ್ಯರು ಭಾಗವಹಿಸಿದ್ದರು. ಸಿಂಹರೂಪಿಣಿ ಸದ್ಯವೇ ಬ್ಯಾಂಕಾಕ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಪ್ರಶಸ್ತಿಯನ್ನೂ ಗೆದ್ದಿದೆ. ಚಿತ್ರದ ಭಕ್ತಿ ಮತ್ತು ಕಮರ್ಷಿಯಲ್ ಕಥೆಯ ಅಂಶಗಳು ಪ್ರೇಕ್ಷಕರ ಹೃದಯಕ್ಕೆ ತಲುಪಿದ್ದು, ಚಿತ್ರಮಂದಿರಗಳಲ್ಲಿ ತನ್ನ ಯಶಸ್ಸಿನ ಹೆಜ್ಜೆ ಮುಂದುವರಿಸುತ್ತಿದೆ.