ಶಿವರಾಜ್‌ಕುಮಾರ್‌ಗೆ ಸರ್ಜರಿ ಯಶಸ್ವಿಯಾಗಲಿ ಎಂದು ಅಭಿಮಾನಿಗಳ ಪ್ರಾರ್ಥನೆ

ಶಿವರಾಜ್‌ಕುಮಾರ್‌ಗೆ ಸರ್ಜರಿ ಯಶಸ್ವಿಯಾಗಲಿ ಎಂದು ಅಭಿಮಾನಿಗಳ ಪ್ರಾರ್ಥನೆ ನಟ ಶಿವರಾಜ್‌ಕುಮಾರ್ ಅವರು ಅಮೆರಿಕದ ಮಿಯಾಮಿ ಕ್ಯಾನ್ಸರ್ ಆಸ್ಪತ್ರೆಯಲ್ಲಿ (ಡಿಸೆಂಬರ್ 24) ಸರ್ಜರಿಗೊಳಗಾಗುತ್ತಿದ್ದಾರೆ. ಅವರ ಆರೋಗ್ಯ ಉತ್ತಮವಾಗಲಿ ಮತ್ತು ಸರ್ಜರಿ ಯಶಸ್ವಿಯಾಗಲಿ ಎಂದು ಅಭಿಮಾನಿಗಳು ರಾಜ್ಯದ ವಿವಿಧ ಕಡೆಗಳಲ್ಲಿ ಪೂಜೆ-ಹೋಮ, ಪ್ರಾರ್ಥನೆಗಳನ್ನು ನಡೆಸಿದ್ದಾರೆ. ಶಿವಣ್ಣನ ಹೋರಾಟ ಕ್ಯಾನ್ಸರ್ ಎಂಬ ಆಘಾತಕಾರಿ ಸಂಗತಿಯ ಎದುರಿಗೂ ಅವರು ನಿರಾಸೆಗೊಳಗಾಗದೆ, ಛಲದಿಂದ ಹೋರಾಟ ಮುಂದುವರಿಸಿದ್ದಾರೆ. ಡಿಸೆಂಬರ್ 18ರಂದು ಪತ್ನಿ ಗೀತಾ ಶಿವರಾಜ್‌ಕುಮಾರ್ ಜೊತೆ ಅಮೆರಿಕಕ್ಕೆ ತೆರಳಿದ ಅವರು, ಸರ್ಜರಿ ಬಳಿಕ ಕೆಲವು ತಿಂಗಳುಗಳು ಚೇತರಿಕೆಗಾಗಿ ಅಲ್ಲಿಯೇ ಉಳಿಯಲಿದ್ದಾರೆ. ಅಭಿಮಾನಿಗಳ ಪ್ರಾರ್ಥನೆ ಚಾಮರಾಜನಗರ ಮತ್ತು ಮೈಸೂರಿನಲ್ಲಿ ಅಭಿಮಾನಿಗಳು ವಿಶೇಷ ಪೂಜೆ-ಹೋಮಗಳನ್ನು ನಡೆಸಿದ್ದು, ಶಿವಣ್ಣನ ಆರೋಗ್ಯದ ಹಿತಕ್ಕಾಗಿ ದೇವರಲ್ಲಿ ಬೇಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಪ್ರಾರ್ಥನೆಗಳ ಫೋಟೋಗಳು ಮತ್ತು ವಿಡಿಯೋಗಳು ವೈರಲ್ ಆಗುತ್ತಿವೆ. ಚಿತ್ರರಂಗಕ್ಕೆ ಮರಳುವ ನಿರೀಕ್ಷೆ ಸರ್ಜರಿ ಯಶಸ್ವಿಯಾಗಿದರೆ, ಶಿವರಾಜ್‌ಕುಮಾರ್ ಜೂನ್ 2025ರ ವೇಳೆಗೆ ಚಿತ್ರರಂಗಕ್ಕೆ ಮರಳುವ ನಿರೀಕ್ಷೆಯಿದೆ. ಇತ್ತೀಚೆಗಷ್ಟೇ ಅವರು ನಟಿಸಿದ ‘ಭೈರತಿ ರಣಗಲ್’ ಮೆಚ್ಚುಗೆಗೆ ಪಾತ್ರವಾಗಿದ್ದು, ‘45’ ಚಿತ್ರ ಶೀಘ್ರದಲ್ಲೇ ಬಿಡುಗಡೆಗೊಳ್ಳಲಿದೆ. ಶಿವರಾಜ್‌ಕುಮಾರ್ ಅವರ ಚೇತರಿಕೆಗಾಗಿ ದೇಶಾದ್ಯಾಂತ ಅಭಿಮಾನಿಗಳು ಪ್ರಾರ್ಥನೆ ಸಲ್ಲಿಸುತ್ತಿದ್ದು, ಅವರು ಶೀಘ್ರವೇ ಕಣ್ಮುಂದೆ ಕಾಣುವ ನಿರೀಕ್ಷೆ ಹೊಂದಿದ್ದಾರೆ.