ಶಿವಣ್ಣನ ಹೊಸ ಚಿತ್ರಕ್ಕೆ ಘೋಷಣೆ ಪವನ್ ಒಡೆಯರ್ ಜೊತೆಗೆ ಮಾಸ್ ಕಾಂಬಿನೇಷನ್

ಶಿವಣ್ಣನ ಹೊಸ ಚಿತ್ರಕ್ಕೆ ಘೋಷಣೆ ಪವನ್ ಒಡೆಯರ್ ಜೊತೆಗೆ ಮಾಸ್ ಕಾಂಬಿನೇಷನ್ ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ಮತ್ತು ಯಶಸ್ವಿ ನಿರ್ದೇಶಕ ಪವನ್ ಒಡೆಯರ್ ಇಬ್ಬರ ಜೊತೆಗೂಡಿದ್ದು ಸ್ಯಾಂಡಲ್‌ವುಡ್‌ ಪ್ರೇಕ್ಷಕರಲ್ಲಿ ದೊಡ್ಡ ನಿರೀಕ್ಷೆ ಹುಟ್ಟಿಸಿದೆ. ಪವನ್ ಒಡೆಯರ್ ತಮ್ಮ ಒಡೆಯರ್ ಮೂವೀಸ್ ಬ್ಯಾನರ್‌ನಡಿ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದು, ಇದು 2025ರಲ್ಲಿ ಟೇಕಾಫ್ ಆಗಲಿದೆ. ಪವನ್ ಒಡೆಯರ್‌ ನಿರ್ದೇಶನ ಮಾಡುತ್ತಿರುವ ಈ ಚಿತ್ರ ಔಟ್ ಅಂಡ್ ಔಟ್ ಕಮರ್ಷಿಯಲ್ ಎಂಟರ್‌ಟೈನರ್ ಆಗಿದ್ದು, ಥ್ರಿಲ್ಲರ್ ಟಚ್‌ ಸಹ ಹೊಂದಿರುತ್ತದೆ. ಶಿವಣ್ಣ ಈ ಚಿತ್ರದಲ್ಲಿ ಅಭಿಮಾನಿಗಳಿಗೆ ಹೊಸ ಲುಕ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಲಾಗಿದೆ. ನಿರ್ಮಾಣದಲ್ಲಿ ಅಪೇಕ್ಷಾ ಪವನ್ ಒಡೆಯರ್, ಪವನ್ ಒಡೆಯರ್ ಹಾಗೂ ಅರ್ನಾ ಕ್ರಿಯೇಟಿವ್ ಸಾಥ್ ನೀಡುತ್ತಿದ್ದಾರೆ. ಪವನ್ ಒಡೆಯರ್ ತಮ್ಮ ಕನಸು ನನಸು ಆಗುತ್ತಿರುವ ಸಂತಸ ಹಂಚಿಕೊಂಡು, ಶಿವಣ್ಣನಿಗೆ ಸಿನಿಮಾ ಮಾಡುವುದು ಪ್ರತಿಯೊಬ್ಬ ನಿರ್ದೇಶಕರಿಗೂ ಸವಲತ್ತೆ ಎಂದಿದ್ದಾರೆ. ಶಿವಣ್ಣ ಈಗಾಗಲೇ ಹಲವು ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದು, ಈ ಹೊಸ ಚಿತ್ರ ಕೂಡ ಭಾರಿ ನಿರೀಕ್ಷೆ ಹುಟ್ಟಿಸಿದ್ದು, ಅಧಿಕೃತ ಮಾಹಿತಿ ಶೀಘ್ರದಲ್ಲೇ ಬಹಿರಂಗಗೊಳ್ಳಲಿದೆ.