ಸಂಕ್ರಾಂತಿಗೆ ಕನ್ನಡದ ಎರಡು ಚಿತ್ರಗಳು ತೆರೆಗೆ ಪರಭಾಷಾ ಚಿತ್ರಗಳಿಗೆ ಸೆಡ್ಡು

ಸಂಕ್ರಾಂತಿಗೆ ಕನ್ನಡದ ಎರಡು ಚಿತ್ರಗಳು ತೆರೆಗೆ ಪರಭಾಷಾ ಚಿತ್ರಗಳಿಗೆ ಸೆಡ್ಡು ಈ ಬಾರಿ ಸಂಕ್ರಾಂತಿ ಹಬ್ಬದ ಸಂಭ್ರಮಕ್ಕೆ ಕನ್ನಡದ 2 ಹೊಸ ಚಿತ್ರಗಳು ತೆರೆಗೆ ಬರಲಿದೆ. ಶರಣ್ ನಟನೆಯ ಹಾರರ್-ಕಾಮಿಡಿ ‘ಛೂ ಮಂತರ್’ ಮತ್ತು ಶ್ರೀನಗರ ಕಿಟ್ಟಿ-ರಚಿತಾ ರಾಮ್ ಅಭಿನಯದ ‘ಸಂಜು ವೆಡ್ಸ್ ಗೀತಾ-2’ ಜನವರಿ 10ಕ್ಕೆ ಪ್ರೇಕ್ಷಕರಿಗೆ ಸಪರ್ತಿಯಾಗುತ್ತಿವೆ. ‘ಛೂ ಮಂತರ್’ ನವನೀತ್ ನಿರ್ದೇಶನದ ಹಾಸ್ಯ-ಭಯಾನಕ ಚಿತ್ರವಾಗಿದ್ದು, ಶರಣ್ ಜೊತೆಗೆ ಅದಿತಿ ಪ್ರಭುದೇವ, ಚಿಕ್ಕಣ್ಣ, ಮೇಘನಾ ಗಾಂವ್ಕರ್ ಪ್ರಮುಖ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಟೀಸರ್ ಹಾಗೂ ಹಾಡುಗಳು ಈಗಾಗಲೇ ಪ್ರೇಕ್ಷಕರ ಗಮನ ಸೆಳೆದಿವೆ. ಇನ್ನು ‘ಸಂಜು ವೆಡ್ಸ್ ಗೀತಾ-2’ ನಾಗಶೇಖರ್ ನಿರ್ದೇಶನದಲ್ಲಿ, ಶ್ರೀನಗರ ಕಿಟ್ಟಿ ಮತ್ತು ರಚಿತಾ ರಾಮ್ ನಟಿಸುತ್ತಿದ್ದು, ಚಿತ್ರದ ಹಾಡುಗಳು ಪ್ರೇಕ್ಷಕರ ಮನ ಗೆದ್ದಿವೆ. ಈ ಸಿನಿಮಾ ತಂಡ ಚಿತ್ರಮಂದಿರಗಳಲ್ಲಿ ಹೊಸ ಹಿಟ್ ನಿರೀಕ್ಷಿಸುತ್ತಿದೆ. ಸಂಕ್ರಾಂತಿ ಹಬ್ಬಕ್ಕೆ ತೆಲುಗು, ತಮಿಳಿನ ದೊಡ್ಡ ಚಿತ್ರಗಳ ಎದುರು ಕನ್ನಡದ ಚಿತ್ರಗಳು ತೆರೆಗೆ ಬರುವುದು ಕನ್ನಡ ಚಿತ್ರರಂಗದ ದೃಢನಿಶ್ಚಯವನ್ನು ತೋರಿಸುತ್ತದೆ. ಈ ಬಾರಿ ಕನ್ನಡ ಚಿತ್ರಗಳು ಬಾಕ್ಸಾಫೀಸ್‌ನಲ್ಲಿ ಯಶಸ್ಸು ಸಾಧಿಸುವ ನಿರೀಕ್ಷೆಯಿದೆ.