‘ಮಜಾ ಟಾಕೀಸ್’ ಫ್ಯಾನ್ಸ್‌ಗೆ ಸಿಹಿ ಸುದ್ದಿ ಹೊಸ ಸೀಸನ್ ಶೀಘ್ರದಲ್ಲೇ

‘ಮಜಾ ಟಾಕೀಸ್’ ಫ್ಯಾನ್ಸ್‌ಗೆ ಸಿಹಿ ಸುದ್ದಿ ಹೊಸ ಸೀಸನ್ ಶೀಘ್ರದಲ್ಲೇ 2015ರಲ್ಲಿ ಆರಂಭಗೊಂಡ ಸೃಜನ್ ಲೋಕೇಶ್‌ ಅವರ ಜನಪ್ರಿಯ ಶೋ ‘ಮಜಾ ಟಾಕೀಸ್’ ಮತ್ತೊಮ್ಮೆ ಕಮ್‌ಬ್ಯಾಕ್ ಮಾಡಲು ಸಿದ್ಧವಾಗಿದೆ. ಶೋ ಆರಂಭವಾಗಿ 10 ವರ್ಷ ಪೂರೈಸುತ್ತಿರುವ ಈ ವಿಶೇಷ ಸಂದರ್ಭದಲ್ಲಿ, ಹೊಸ ಸೀಸನ್‌ ಬಗ್ಗೆ ಸೃಜನ್ ಲೋಕೇಶ್ ಅಧಿಕೃತ ಘೋಷಣೆ ಮಾಡಿದ್ದಾರೆ. ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಹೊಸ ಪ್ರೋಮೋ ಪ್ರಸಾರವಾಗಿದ್ದು, ಅಭಿಮಾನಿಗಳಲ್ಲಿ ಭರ್ಜರಿ ಸಂಭ್ರಮ ಮೂಡಿಸಿದೆ. ಈ ಹೊಸ ಸೀಸನ್‌ ಕುರಿತು ಕುತೂಹಲ ಹೆಚ್ಚಿದ್ದು, ವಿಶೇಷವಾಗಿ, ಕುರಿ ಪ್ರತಾಪ್, ಇಂದ್ರಜಿತ್ ಲಂಕೇಶ್, ಶ್ವೇತಾ ಚಂಗಪ್ಪ ಅವರು ಭಾಗವಹಿಸುತ್ತಾರೆಯೇ ಎಂಬ ಪ್ರಶ್ನೆಗಳು ಉದ್ಭವಿಸಿವೆ. ಶೋನ ಪ್ರಮುಖ ಪಾತ್ರದಲ್ಲಿ ಮಿಂಚಿದ ಅಪರ್ಣಾ (ವರಲಕ್ಷ್ಮೀ) ಅವರು ಈ ಬಾರಿ ಇರೋದಿಲ್ಲ ಎಂಬುದು ಅಭಿಮಾನಿಗಳಿಗೆ ತೀವ್ರ ಬೇಸರ ತಂದಿದೆ. ಸೃಜನ್ ಲೋಕೇಶ್‌, ವಿವಿಧ ರಿಯಾಲಿಟಿ ಶೋಗಳ ಮೂಲಕ ಬ್ಯುಸಿ ಆಗಿದ್ದರೂ, ಇದೀಗ ಪುನಃ ನಿರೂಪಣೆಗೆ ಮರಳಿದ್ದು, ಫ್ಯಾನ್ಸ್‌ ಆನಂದದಲ್ಲಿದ್ದಾರೆ. ‘ಮಜಾ ಟಾಕೀಸ್’ ಹೊಸ ಸೀಸನ್ ಆರಂಭ ದಿನಾಂಕಕ್ಕಾಗಿ ಎಲ್ಲರೂ ಆತುರದಿಂದ ಕಾಯುತ್ತಿದ್ದಾರೆ.