ಕಮಲ್ ಹಾಸನ್ – ‘ಥಗ್ ಲೈಫ್’ ಓಟಿಟಿಗೆ : ಒಪ್ಪಂದ ಮುರಿದು, ಮುಂಚಿತ ಬಿಡುಗಡೆಯಾದ ಸಿನಿಮಾ!

ಮಲ್ ಹಾಸನ್ ಹಾಗೂ ಮಣಿರತ್ನಂ ಜೊತೆಯಾಗಿ ನಿರ್ಮಿಸಿದ ಬಹು ನಿರೀಕ್ಷಿತ ‘ಥಗ್ ಲೈಫ್’ (Thug Life) ಸಿನಿಮಾ ಜೂನ್ 5ರಂದು ಬಿಡುಗಡೆಯಾಗಿತ್ತು. ಪ್ರಾರಂಭದಲ್ಲಿ ಭಾರಿ ಸುದ್ದಿಯಲ್ಲಿದ್ದರೂ, ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭಾರೀ ಹಿನ್ನಡೆ ಕಂಡಿತು. ಕಮಲ್ ಹಾಸನ್ ಅವರ ಭಾಷಾ ವಿಚಾರದ ಹೇಳಿಕೆ ವಿರೋಧದ ಹಿನ್ನೆಲೆಯಲ್ಲಿ ಕರ್ನಾಟಕದಲ್ಲಿ ಚಿತ್ರ ನಿಷೇಧವೂ ಉಂಟಾಗಿ, ಸಿನಿಮಾ ನಿರೀಕ್ಷಿತ ಯಶಸ್ಸು ಪಡೆಯಲಿಲ್ಲ.

ಈ ನಡುವೆ, ಈ ಚಿತ್ರವನ್ನು ನೆಟ್‌ಫ್ಲಿಕ್ಸ್ ಭಾರಿ ಮೊತ್ತ 110 ಕೋಟಿ ರೂ.ಗೆ ಖರೀದಿಸಿತ್ತು. ಮೂಲ ಒಪ್ಪಂದದ ಪ್ರಕಾರ, ಸಿನಿಮಾ ಥಿಯೇಟರ್‌ನಲ್ಲಿ ಬಿಡುಗಡೆಗೊಂಡ 8 ವಾರಗಳ ನಂತರ ಮಾತ್ರ ಓಟಿಟಿಗೆ ಬರಬೇಕಿತ್ತು. ಆದರೆ ಬಾಕ್ಸ್ ಆಫೀಸ್‌ನಲ್ಲಿ ಚಿತ್ರ ವಿಫಲವಾದ ಹಿನ್ನೆಲೆಯಲ್ಲಿ, ನೆಟ್‌ಫ್ಲಿಕ್ಸ್ ನಿರ್ಮಾಪಕರ ಮೇಲೆ ಒತ್ತಡ ಹೇರಿ, ಮುಂಚಿತವಾಗಿ ಸಿನಿಮಾ ಓಟಿಟಿಗೆ ಬಿಡುಗಡೆ ಮಾಡಿಸಿತು.

ಜುಲೈ 3ರಿಂದ ‘ಥಗ್ ಲೈಫ್’ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ತಮಿಳು, ಕನ್ನಡ, ತೆಲುಗು, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ ಲಭ್ಯವಿದೆ. ಈ ಚಿತ್ರದಲ್ಲಿ ಕಮಲ್ ಹಾಸನ್ ಜೊತೆ ಸಿಂಬು, ತ್ರಿಷಾ ಕೃಷ್ಣನ್, ನಾಸರ್, ಮಹೇಶ್ ಮಂಜ್ರೇಕರ್ ಮೊದಲಾದ ಸ್ಟಾರ್ ನಟರ ಪಂಗಡವಿದೆ. ನಿರ್ದೇಶನ ಮಣಿರತ್ನಂ ಅವರದು ಹಾಗೂ ಸಂಗೀತ ಎಆರ್ ರೆಹಮಾನ್ ಅವರದ್ದು.

ನೇಯಟ್ಟಂ (ತುಪ್ಪದ ಅಭಿಷೇಕ) ರಿಂದ ಪ್ರಾರಂಭವಾಗುವ ಈ ಚಿತ್ರ ವೈಶಿಷ್ಟ್ಯಪೂರ್ಣ ಹಿನ್ನಲೆಯಲ್ಲಿ ಪ್ರೇಕ್ಷಕರ ಗಮನ ಸೆಳೆಯಬೇಕಾಗಿತ್ತು. ಆದರೆ ನಿರೀಕ್ಷೆ ತೀರಿಸಲಿಲ್ಲ. ಒಟಿಟಿಯಲ್ಲಿ ಸಹ ಈ ಚಿತ್ರಕ್ಕೆ ಹೆಚ್ಚು ಜೋರಾಗಿ ಪ್ರಚಾರ ನಡೆಯದ ಕಾರಣ, ಇದು ತುಂಬಾ ಶಾಂತವಾಗಿ ಬಿಡುಗಡೆಗೊಂಡಿದೆ.