ಟೀಸರ್ ಅಲ್ಲ, ಟ್ರೈಲರ್ ಅಲ್ಲ ಡಿ.2ಕ್ಕೆ ಬರಲಿದೆ ‘ಯುಐ’ ವಾರ್ನರ್

ಟೀಸರ್ ಅಲ್ಲ, ಟ್ರೈಲರ್ ಅಲ್ಲ ಡಿ.2ಕ್ಕೆ ಬರಲಿದೆ ‘ಯುಐ’ ವಾರ್ನರ್ ರಿಯಲ್ ಸ್ಟಾರ್ ಉಪೇಂದ್ರ ಅವರ ಬಹು ನಿರೀಕ್ಷಿತ ಸಿನಿಮಾ ‘ಯುಐ’ ಬಗ್ಗೆ ಅಭಿಮಾನಿಗಳಲ್ಲಿ ಈಗಾಗಲೇ ಕುತೂಹಲ ಭರಿತವಾಗಿದೆ. ಈ ಕುತೂಹಲಕ್ಕೆ ಮತ್ತಷ್ಟು ಬಿರುಸು ನೀಡುತ್ತಾ, ಡಿಸೆಂಬರ್ 2ರಂದು ಬೆಳಗ್ಗೆ 11:07ಕ್ಕೆ ‘ಯುಐ’ ವಾರ್ನರ್ ಬಿಡುಗಡೆ ಮಾಡಲು ಉಪ್ಪಿ ಸಜ್ಜಾಗಿದ್ದಾರೆ. ‘ಟೀಸರ್’ ಅಥವಾ ‘ಟ್ರೈಲರ್’ ಅನ್ನುವ ಪದಗಳನ್ನು ಬಿಟ್ಟು, ಉಪೇಂದ್ರ ‘ವಾರ್ನರ್’ ಎಂಬ ಹೊಸ ಶಬ್ದವನ್ನು ಪರಿಚಯಿಸಿದ್ದಾರೆ, ಇದು ಸಿನಿಮಾದ ಮೇಕಿಂಗ್‌ಗೂ ಹೊಸತನವನ್ನು ತಂದುಕೊಡಲಿದೆ ಎಂಬ ನಿರೀಕ್ಷೆ ಹುಟ್ಟಿಸಿದೆ. ಸ್ವತಃ ಉಪೇಂದ್ರ ಈ ಸಿನಿಮಾ ನಿರ್ದೇಶಿಸಿ, ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ‘ಯುಐ’ ಡಿಸೆಂಬರ್ 20ರಂದು ಬಹುಭಾಷೆಗಳಲ್ಲಿ ಬಿಡುಗಡೆಯಾಗಲಿದ್ದು, ಇದು ವಿಸ್ಮಯದ ಕಥಾಹಂದರವನ್ನು ಪ್ರೇಕ್ಷಕರ ಮುಂದಿಡಲಿದ್ದು, ಈಗಾಗಲೇ ಬಿಡುಗಡೆ ಆದ ಟೀಸರ್ ಹಾಗೂ ಸಾಂಗ್ ಬೀಟ್ಸ್‌ಗಳಿಂದ ಸಿನಿಮಾ ಬಗ್ಗೆ ಆಕರ್ಷಣೆ ಹೆಚ್ಚಾಗಿದೆ. ಈ ಚಿತ್ರದಲ್ಲಿ ರೀಷ್ಮಾ ನಾಣಯ್ಯ ನಾಯಕಿಯಾಗಿ ನಟಿಸಿದ್ದು, ಲಹರಿ ಫಿಲಂಸ್ ಮತ್ತು ವೀನಸ್ ಎಂಟರ್‌ಟೈನರ್ಸ್ ಸಂಸ್ಥೆಗಳು ಅದ್ದೂರಿ ನಿರ್ಮಾಣ ಮಾಡಿದ್ದಾರೆ. ಡಿ.2ಕ್ಕೆ ಫ್ಯಾನ್ಸ್‌ಗಾಗಿ ನಿರೀಕ್ಷಿತ ‘ವಾರ್ನರ್’ ಘೋಷಣೆಗೆ ರೆಡಿ ಆಗಿದೆ.