ಕಲ್ಟ್ ಚಿತ್ರತಂಡದ ವಿವಾದ ಸಚಿವ ಜಮೀರ್ ಪುತ್ರ ಜೈದ್ ಖಾನ್ ವಿರುದ್ಧ ದೂರು ಕಲ್ಟ್ ಸಿನಿಮಾ ಶೂಟಿಂಗ್ ವೇಳೆ ನಡೆದ ಘಟನೆ ಸಂಬಂಧ ಸಚಿವ ಜಮೀರ್ ಅಹ್ಮದ್ ಪುತ್ರ ಹಾಗೂ ನಟ ಜೈದ್ ಖಾನ್ ವಿರುದ್ಧ ಡ್ರೋನ್ ಟೆಕ್ನಿಷಿಯನ್ ಸಂತೋಷ್ ಮಾಗಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ನ.25ರಂದು ಚಿತ್ರದುರ್ಗದಲ್ಲಿ ನಡೆದ ಶೂಟಿಂಗ್ ಸಮಯದಲ್ಲಿ, ಸಂತೋಷ್ ಬಳಸುತ್ತಿದ್ದ ಡ್ರೋನ್ ವಿಂಡ್ ಫ್ಯಾನ್‌ಗೆ ತಾಕಿ ಹಾನಿಗೊಳಗಾದ ಕಾರಣ, ಚಿತ್ರತಂಡ ಯಾವುದೇ ಪರಿಹಾರ ನೀಡಲಿಲ್ಲ ಎಂಬ ಆರೋಪವಾಗಿದೆ. ಸಂತೋಷ್ ಕಷ್ಟಪಟ್ಟು 25 ಲಕ್ಷ ರೂ. ಸಾಲ ಮಾಡಿ ಡ್ರೋನ್ ಖರೀದಿಸಿದ್ದರೆಂದು ತಿಳಿದುಬಂದಿದೆ.
ಸಂತೋಷ್ ಅವರು ಜೈದ್ ಖಾನ್ ಮತ್ತು ನಿರ್ದೇಶಕ ಅನಿಲ್ ವಿರುದ್ಧ ಹಾನಿಗೊಳಗಾದ ಡ್ರೋನ್‌ಗೆ ಪರಿಹಾರ ಕೇಳಿದಾಗ, ಬಲವಂತವಾಗಿ ಹಸ್ತಾಕ್ಷರ, ಮೆಮೊರಿ ಕಾರ್ಡ್ ಮತ್ತು ಆಧಾರ್ ವಿವರ ಪಡೆದಿದ್ದಾರೆ ಎಂಬ ಗಂಭೀರ ಆರೋಪಗಳು ಕೇಳಿಬಂದಿವೆ.
ಈ ಘಟನೆಯಿಂದ ಮನನೊಂದ ಸಂತೋಷ್ ಆತ್ಮಹತ್ಯೆಗೆ ಯತ್ನಿಸಿದ್ದು, ಘಟನೆಗೆ ಸಂಬಂಧಿಸಿದಂತೆ ನೋಟಿಸ್ ಜಾರಿಗೊಂಡಿದೆ. ಪೋಲೀಸ್ ತನಿಖೆ ಮುಂದುವರಿದಿದ್ದು, ಕಲ್ಟ್ ಚಿತ್ರತಂಡಕ್ಕೆ ಸಂಬಂಧಿಸಿದ ಹಲವು ಅಂಶಗಳು ಬೆಳಕಿಗೆ ಬರಬಹುದು.
SStv
November 30, 2024
