‘ಯುಐ’ ಮುಂಗಡ ಟಿಕೆಟ್‌ ಬುಕಿಂಗ್‌ನಲ್ಲಿ ದಾಖಲೆ ಬರೆದ ಉಪ್ಪಿ ಚಿತ್ರ

‘ಯುಐ’ ಮುಂಗಡ ಟಿಕೆಟ್‌ ಬುಕಿಂಗ್‌ನಲ್ಲಿ ದಾಖಲೆ ಬರೆದ ಉಪ್ಪಿ ಚಿತ್ರ ರಿಯಲ್ ಸ್ಟಾರ್ ಉಪೇಂದ್ರ ನಟಿಸಿ, ನಿರ್ದೇಶಿಸಿರುವ ‘ಯುಐ’ (UI) ಚಿತ್ರಕ್ಕೆ ಭಾರಿ ನಿರೀಕ್ಷೆ ಮೂಡಿದ್ದು, ಮುಂಗಡ ಟಿಕೆಟ್ ಬುಕಿಂಗ್‌ನಲ್ಲಿ ದಾಖಲೆ ಬರೆದಿದೆ. ಡಿಸೆಂಬರ್ 20ರಂದು ರಿಲೀಸ್ ಆಗಲಿರುವ ಈ ಚಿತ್ರ, ಟಿಕೆಟ್ ಬುಕಿಂಗ್ ಆರಂಭವಾದ 24 ಗಂಟೆಗಳಲ್ಲೇ 24 ಸಾವಿರ ಟಿಕೆಟ್ ಮಾರಾಟ ಮಾಡಿಕೊಂಡು 50 ಲಕ್ಷದ ಮೌಲ್ಯವನ್ನು ದಾಖಲಿಸಿದೆ. ‘ಕೆಜಿಎಫ್’ ನಂತರ ಇಷ್ಟು ವೇಗವಾಗಿ ಟಿಕೆಟ್‌ಗಳ ಮಾರಾಟಗೊಂಡಿರುವುದು ಕನ್ನಡದಲ್ಲಿ ಇದುವರೆಗೆ ಕಂಡಿಲ್ಲ. ‘ಯುಐ’ ಟ್ರೈಲರ್‌ನಲ್ಲಿಯೇ ನಿರೀಕ್ಷೆ ಹೆಚ್ಚಿಸಿರುವ ಉಪೇಂದ್ರ, ಪ್ರೇಕ್ಷಕರ ಬುದ್ಧಿವಂತಿಕೆಗೆ ಸವಾಲು ಹಾಕುವಂತೆ ಕಥೆಯನ್ನು ಮುನ್ನೋಟ ನೀಡಿದ್ದು, ಭವಿಷ್ಯದ ಭಾರತವನ್ನು ಆಧರಿಸಿರುವ ಕಥಾ ಹಂದರ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ. 2040ರ ಅಸಲಿ ಕಥೆಯನ್ನು ಹೇಳಲು ಸಜ್ಜಾದ ‘ಯುಐ’ ಚಿತ್ರದಲ್ಲಿ, ಉಪೇಂದ್ರ ಅವರಿಗೆ ರೀಷ್ಮಾ ನಾಣಯ್ಯ ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಲಹರಿ ಫಿಲಂಸ್ ಹಾಗೂ ವೀನಸ್ ಎಂಟರ್‌ಟೈನರ್ಸ್ ಸಂಸ್ಥೆಗಳು ಅದ್ಧೂರಿಯಾಗಿ ನಿರ್ಮಾಣ ಮಾಡಿರುವ ಈ ಸಿನಿಮಾ ರಿಲೀಸ್‌ಗೆ ಇನ್ನೇನು ದಿನಗಳಷ್ಟೇ ಬಾಕಿ ಇರುವಂತೆಯೇ, ಅಭಿಮಾನಿಗಳಲ್ಲಿ ಉತ್ಸಾಹದ ಹೊಸ ತರಂಗ ಹರಡುತ್ತಿದೆ.