"ಎಂಜಿ ರಸ್ತೆಯಲ್ಲಿ ಮನೆ, ಪಕ್ಕದಲ್ಲೇ ಸೈಟ್!" – ಮಗ ಯಶ್ ಕೊಟ್ಟ ಉಡುಗೊರೆ ಬಗ್ಗೆ ಭಾವುಕವಾಗಿ ಮಾತನಾಡಿದ ತಾಯಿ ಪುಷ್ಪಾ

ರಾಕಿಂಗ್ ಸ್ಟಾರ್ ಯಶ್ ಮತ್ತು ಅವರ ತಾಯಿ ಪುಷ್ಪಾ ನಡುವಿನ ಸಂಬಂಧ ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಒಳಗಾಗಿತ್ತು. ಪುಷ್ಪಾ ಅವರು ಯಶ್ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡುತ್ತಿದ್ದಾರೆ ಎಂಬ ವದಂತಿಗಳು ಹರಡಿದ್ದವು. ಆದರೆ ಈ ಎಲ್ಲಾ ಸುದ್ದಿಗಳಿಗೆ ಪುಷ್ಪಾ ಈಗ ಸ್ಪಷ್ಟನೆ ನೀಡಿದ್ದಾರೆ. ಜೊತೆಗೆ, ಯಶ್ ತಮಗಾಗಿ ಹಾಸನದಲ್ಲಿ ಮನೆ ಮತ್ತು ಸೈಟ್ ಕೊಟ್ಟಿರುವ ವಿಚಾರವನ್ನೂ ಬಹಿರಂಗಪಡಿಸಿದ್ದಾರೆ.

ಪುಷ್ಪಾ ಮಾತುಗಳಲ್ಲಿ ಒಂದು ತಾಯಿ ಮನಸ್ಸಿನ ಆಳವಿದೆ. ‘‘ನಾನು ಯಶ್‌ನನ್ನು ಪ್ಯಾಂಪರ್ ಮಾಡಲ್ಲ. ಆದರೆ, ಅವನಿಗೆ ಕಷ್ಟ ಕೊಡುವ ಕೆಲಸ ಮಾಡುವುದಿಲ್ಲ. ಕೆಲವೊಮ್ಮೆ ನಾನು ಗಂಭೀರವಾಗಿ ಮಾತನಾಡಿದರೂ, ಅದರ ಹಿಂದೆ ನನ್ನ ಮಮತೆ ಇದೆ. ಜನರು ಕೆಲವೊಮ್ಮೆ ನನ್ನ ಮಾತು ತಪ್ಪಾಗಿ ಅರ್ಥೈಸಿಕೊಳ್ಳುತ್ತಾರೆ. ನಾನು ಏನು ಮಾತನಾಡುತ್ತೇನೆ ಎಂಬುದಕ್ಕಿಂತ, ಏಕೆ ಮಾತನಾಡುತ್ತೇನೆ ಎಂಬುದನ್ನು ಗರುಡ ರಾಮ್‌ಗೆ ಈಗ ಗೊತ್ತಾಗಿದೆ,’’ ಎಂದು ಪುಷ್ಪಾ ಹೇಳಿದ್ದಾರೆ.

ಹಾಸನದ ಎಂಜಿ ರಸ್ತೆಯಲ್ಲಿ ಯಶ್ ಕೊಟ್ಟ ಮನೆ, ಹಾಸನದ ಪಾಶ್ ಏರಿಯಾದಲ್ಲಿ ಇರುವ ಎಂಜಿ ರಸ್ತೆಯಲ್ಲಿ, ಯಶ್ ತಮಗೊಂದು ಮನೆಯನ್ನೂ, ದೊಡ್ಡ ಸೈಟ್‌ವನ್ನೂ ಕೊಟ್ಟಿದ್ದಾರೆ ಎಂಬುದನ್ನು ಪುಷ್ಪಾ ಬಹಿರಂಗಪಡಿಸಿದರು. ‘‘ಅವನಿಗೆ ಹೇಳಿದೆ – ಅಮ್ಮಗೆ ಮನೆ ಬೇಕು, ಎಂದೆ. ಅದಕ್ಕೆ ಮರಳಿ ಪ್ರಶ್ನೆಯೇ ಇಲ್ಲ. ಮನೆ ಕೊಟ್ಟ, ಪಕ್ಕದ ಸೈಟ್ ಕೂಡಾ ಕೊಟ್ಟ. ನಾನು ತೋಟ ಮಾಡಿಕೊಂಡಿದ್ದೇನೆ. ಹಾಸನವೇ ನನ್ನ ನೆಲೆ’’ ಎಂದು ಅವರು ಸಂತೋಷದಿಂದ ಹೇಳಿದರು. ಪುಷ್ಪಾ ಹಾಸನದಲ್ಲೇ ನೆಲೆಸಿದ್ದು, ತೋಟಗಾರಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ತಮ್ಮ ಸ್ವಂತ ಮನೆಯ ನೆಲೆಯೂ ಅಲ್ಲಿಯೇ ಮಾಡಿಕೊಂಡಿರುವ ಅವರು, ತೋಟದ ಕೆಲಸದಲ್ಲಿ ಸಂತೋಷ ಪಡುತ್ತಿದ್ದಾರೆ. ಬಾಡಿಗೆ ಮನೆ ಬದುಕನ್ನು ತೊರೆದು, ತಮ್ಮದೇ ಮನೆಯ ನೆಲೆಯಲ್ಲಿ ನೆಮ್ಮದಿಯಿಂದ ಇರುತ್ತಿದ್ದಾರೆ.

ತಾಯಿ–ಮಗನ ನಡುವಿನ ಸಂಬಂಧವು ಯಾವತ್ತೂ ಭಾವುಕತೆಯಿಂದ ಕೂಡಿರುತ್ತದೆ. ಕೆಲವೊಮ್ಮೆ ಮಾತುಗಳು ಗಂಭೀರವಾಗಿ ಬಂದರೂ, ಅದರ ಹಿಂದೆ ಇರುವ ಭಾವನೆಗಳನ್ನು ಗುರುತಿಸುವುದು ಮುಖ್ಯ. ಪುಷ್ಪಾ ಮತ್ತು ಯಶ್ ನಡುವಿನ ಈ ಸಂಬಂಧದ ಚರ್ಚೆಗೆ ಇದೀಗ ಕೊನೆ ಸಿಗುವಂತಾಗಿದೆ. ಯಶ್ ನೀಡಿರುವ ಪ್ರೀತಿ, ನಂಬಿಕೆ ಮತ್ತು ಮನೆ ಎಂಬ ಆಧಾರದೊಂದಿಗೆ, ಪುಷ್ಪಾ ತಮ್ಮ ಸ್ವಂತ ಧೈರ್ಯದಲ್ಲಿ ಹಾಸನದಲ್ಲಿ ನೆಲೆಸಿದ್ದಾರೆ – ಇದು ಒಂದು ತಾಯಿ ಜಯದ ಕಥೆಯೇ ಸರಿ.