ತ್ರಿವಿಕ್ರಮ್​ VS ರಜತ್​ ಮಧ್ಯೆ ಮಾತಿನ ಜಿದ್ದಾಜಿದ್ದಿ ಉಸ್ತುವಾರಿಗಳಿಂದ ಮತ್ತೆ ಟಾಸ್ಕ್ ರದ್ದಾಗುತ್ತಾ

ತ್ರಿವಿಕ್ರಮ್​ VS ರಜತ್​ ಮಧ್ಯೆ ಮಾತಿನ ಜಿದ್ದಾಜಿದ್ದಿ ಉಸ್ತುವಾರಿಗಳಿಂದ ಮತ್ತೆ ಟಾಸ್ಕ್ ರದ್ದಾಗುತ್ತಾ ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್ ಸೀಸನ್ 11, 72ನೇ ದಿನಕ್ಕೆ ಕಾಲಿಟ್ಟಿದ್ದು, ಪ್ರತಿದಿನವೂ ಗಲಾಟೆ ಮತ್ತು ಡ್ರಾಮಾ ನಡಿತಲೇ ಇದೆ. ಈ ಬಾರಿಯೂ ಬಿಗ್‌ಬಾಸ್ ಕೊಟ್ಟ ಟಾಸ್ಕ್‌ಗಳು ಅರ್ಥಪೂರ್ಣವಾಗಿ ಪೂರ್ಣಗೊಳ್ಳದೇ ಅರ್ಧದಲ್ಲೇ ನಿಲ್ಲುತ್ತಿವೆ. ಟಾಸ್ಕ್ ಉಸ್ತುವಾರಿಗಳ ಮಧ್ಯೆ ಜಗಳ, ಭಿನ್ನಭಿಪ್ರಾಯಗಳು ಇದಕ್ಕೆ ಕಾರಣವಾಗಿದೆ. ಇತ್ತೀಚಿಗೆ ಬಿಡುಗಡೆಯಾದ ಪ್ರೋಮೋದಲ್ಲಿ, ಡ್ರಮ್​ ಉರುಳಿಸಿ ಚೀಲಗಳನ್ನು ಸಂಗ್ರಹಿಸುವ ಹೊಸ ಟಾಸ್ಕ್‌ ನೀಡಲಾಗಿದೆ. ರಜತ್ ಮತ್ತು ತ್ರಿವಿಕ್ರಮ್ ತಮ್ಮ ತಮ್ಮ ತಂಡಗಳಿಗೆ ಉಸ್ತುವಾರಿಗಳಾಗಿದ್ದು, ಟಾಸ್ಕ್ ಆಡುತ್ತಲೇ ಗಲಾಟೆ ಆರಂಭವಾಗಿದೆ. ತ್ರಿವಿಕ್ರಮ್ ತಂಡದ ಸದಸ್ಯರು ನಿಯಮ ಉಲ್ಲಂಘಿಸಿದ್ದಾರೆ ಎಂದು ರಜತ್ ಆರೋಪ ಮಾಡುತ್ತಿದ್ದಂತೆಯೇ, ಮಾತಿನ ಚಕಮಕಿ ತೀವ್ರಗೊಂಡಿದೆ. ಈ ಗಲಾಟೆಯಿಂದಾಗಿ ಈ ಬಾರಿಯ ಟಾಸ್ಕ್‌ ಕೂಡ ರದ್ದಾಗುತ್ತಾ ಎಂಬುದು ವೀಕ್ಷಕರ ಕಾಳಜಿಯ ವಿಷಯವಾಗಿದೆ. ಬಿಗ್​ಬಾಸ್ ಈ ಗಲಾಟೆಯನ್ನು ಹೇಗೆ ನಿಭಾಯಿಸುತ್ತಾರೆ ಎಂದು ಕಾದುನೋಡಬೇಕಾಗಿದೆ