ತಾಯಿಗೆ ಸರ್‌ಪ್ರೈಸ್ ನೀಡಿದ ಡ್ರೋನ್ ಪ್ರತಾಪ್: ಭಾವನೆಗೊಳಗಾದ ಕ್ಷಣಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್

ಬಿಗ್ ಬಾಸ್ ಕನ್ನಡ ಸೀಸನ್ 10 ರ ಮೂಲಕ ಮನೆಮಾತಾದ ಡ್ರೋನ್ ಪ್ರತಾಪ್ ಇದೀಗ ತಮ್ಮ ತಾಯಿಗೆ ನೀಡಿದ ಭರ್ಜರಿ ಉಡುಗೊರೆಯೊಂದಿಗೆ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಪ್ರತಾಪ್ ತಮ್ಮ ತಾಯಿ ಸವಿತಾ ಮತ್ತು ತಂದೆ ಮರಿಮಾದಯ್ಯರಿಗೆ ಒಂದು ಭಾವನಾತ್ಮಕ ಸರ್‌ಪ್ರೈಸ್ ನೀಡಿದ್ದು, ಇದೀಗ ಈ ಸನ್ನಿವೇಶ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಡ್ರೋನ್ ಪ್ರತಾಪ್ ತಮ್ಮ ತಂದೆ-ತಾಯಿಗೆ ಹೊಸ ಹ್ಯುಂಡೈ ಕ್ರೆಟಾ ಕಾರು ಉಡುಗೊರೆಯಾಗಿ ನೀಡಿದ್ದಾರೆ. ಈ ಕಾರಿನ ಮೌಲ್ಯ ₹20 ಲಕ್ಷಕ್ಕೂ ಹೆಚ್ಚು. ತಾಯಿಗೆ ಯಾವತ್ತಾದರೂ ಅರ್ಥಪೂರ್ಣ ಉಡುಗೊರೆ ನೀಡಬೇಕು ಎಂಬ ಕನಸು ಹಲವಾರು ದಿನಗಳಿಂದ ಇದ್ದ ಪ್ರತಾಪ್, ತಾಯಿಗೆ ಉಟ್ಟ ಬಟ್ಟೆಯಲ್ಲೇ ಕರೆಸಿಕೊಂಡು ತಾನೇ ಕಾರು ತಂದು ನಿಲ್ಲಿಸಿದರೂ ತಾಯಿಗೆ ಅದಾಗಲೇ ಗೊತ್ತಾಗದಂತೆ ಭಾವಪೂರ್ಣ ಸರ್ಪ್ರೈಸ್ ನೀಡಿದ್ದಾರೆ.

ವಿಡಿಯೋದಲ್ಲಿ ತಾಯಿ ಸವಿತಾ ಅವರ ಕಣ್ಣುಗಳಿಗೆ ಪಟ್ಟಿ ಕಟ್ಟಿದ ಪ್ರತಾಪ್, ಕಾರಿನ ಮುಂದೆ ಕರೆದುಕೊಂಡು ಹೋಗಿ ಪಟ್ಟಿ ತೆಗೆದಾಗ, ತಾಯಿ ಕಾರು ನೋಡುತ್ತಿದ್ದಂತೆಯೇ ಅಪ್ಪಿಕೊಂಡು ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಈ ದೃಶ್ಯವು ಅನೇಕ ನೆಟ್ಟಿಗರ ಹೃದಯ ಮುಟ್ಟಿದ್ದು, "ಇದಕ್ಕಾಗಿಯೇ ಮಕ್ಕಳನ್ನು ಬೆಳೆಸೋದು", "ತಾಯಿಗೆ ತಕ್ಕ ಮಗ", "ಬಿಗ್ ಬಾಸ್‌ ಶೋ ಮತ್ತು ಸುದೀಪ್ ಸರ್ ಅವರ ಪ್ರೇರಣೆ ಇಲ್ಲದೇ ಇದು ಸಾಧ್ಯವಿರಲಿಲ್ಲ" ಎಂಬ ರೀತಿಯ ಕಾಮೆಂಟ್‌ಗಳು ಹರಿದುಬಂದಿವೆ.

ಒಂದು ಕಾಲದಲ್ಲಿ ಕುಟುಂಬದಿಂದ ದೂರವಿದ್ದ ಪ್ರತಾಪ್, ಬಿಗ್ ಬಾಸ್ ಮೂಲಕ ಕುಟುಂಬದೊಂದಿಗೆ ಮತ್ತೆ ಸಂಪರ್ಕ ಬೆಳೆಸಿದ ವೇಳೆ, ತಂದೆ ಮರಿಮಾದಯ್ಯ ಅವರನ್ನು ಹಲವಾರು ವರ್ಷಗಳ ಬಳಿಕ ಕಾಣುವಾಗ ಪ್ರತಾಪ್ ಕಣ್ಣೀರು ಹಾಕಿದ ಸನ್ನಿವೇಶವೂ ಪ್ರೋಗ್ರಾಮ್ನಲ್ಲಿ ಎಮೋಷನಲ್ ಆಗಿತ್ತು. ಇದೀಗ ಆ ಸಂಬಂಧ ಮತ್ತಷ್ಟು ಬಲಿಷ್ಠವಾಗಿರುವುದು ಸ್ಪಷ್ಟವಾಗಿದೆ. ಈಗ ಡ್ರೋನ್ ಪ್ರತಾಪ್ ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ರಲ್ಲಿ ಸ್ಪರ್ಧಿಯಾಗಿ ಕಮಾಲ್ ಮಾಡುತ್ತಿದ್ದಾರೆ. ತಮ್ಮ ನಿರಂತರ ಪ್ರಗತಿ, ಕುಟುಂಬದ ಮೇಲೆ ಪ್ರೀತಿ ಮತ್ತು ಸಮಾಜದಲ್ಲಿ ಉತ್ತಮ ಉದಾಹರಣೆಯಾಗಿ ಮೂಡಿಬರುತ್ತಿರುವ ಪ್ರತಾಪ್, ಯುವ ಪೀಳಿಗೆಗೆ ಪ್ರೇರಣೆ ನೀಡುವಂತಹ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ.