ಕೊಲ್ಲೂರು ದೇಗುಲಕ್ಕೆ ಕಾಲಿವುಡ್ ದಂಪತಿ ಸೂರ್ಯ-ಜ್ಯೋತಿಕಾ ಭೇಟಿ ಕಾಲಿವುಡ್ನ ಜನಪ್ರಿಯ ದಂಪತಿ ಸೂರ್ಯ ಮತ್ತು ಜ್ಯೋತಿಕಾ ಕೊಲ್ಲೂರು ಮೂಕಾಂಬಿಕ ದೇಗುಲಕ್ಕೆ ಭೇಟಿ ನೀಡಿ ಚಂಡಿಕಾಯಾಗದಲ್ಲಿ ಭಾಗವಹಿಸಿದ್ದಾರೆ. ಈ ಘಟನೆ ಭಕ್ತರಲ್ಲಿ ಮತ್ತು ಅಭಿಮಾನಿಗಳಲ್ಲಿ ವಿಶೇಷ ಉತ್ಸಾಹವನ್ನು ಉಂಟುಮಾಡಿದ್ದು, ಅವರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನ ಕೊಲ್ಲೂರು ದೇಗುಲ ನಿತ್ಯ ಸಾವಿರಾರು ಭಕ್ತರನ್ನು ಆಕರ್ಷಿಸುತ್ತದೆ. ಸೂರ್ಯ-ಜ್ಯೋತಿಕರನ್ನು ನೋಡಲು ಭಕ್ತರು ಹಾಗೂ ಅಭಿಮಾನಿಗಳು ಮುಗಿ ಬಿದ್ದಿದ್ದು, ದಂಪತಿಗೆ ಕರ್ನಾಟಕದಲ್ಲೂ ದೊಡ್ಡ ಅಭಿಮಾನಿ ಬಳಗವಿದೆ.
ಇದೀಗ ‘ಕಂಗುವ’ ಸಿನಿಮಾದ ಹೀನಾಯ ಸೋಲು ಸೂರ್ಯಗೆ ತೀವ್ರ ಬೇಸರ ತಂದರೂ, ದೇವೀ ದರ್ಶನ ಅವರ ಮನಸ್ಸಿಗೆ ಸಮಾಧಾನವನ್ನು ನೀಡುತ್ತಿದೆಯೇನೋ ಎಂಬ ಮಾತುಗಳು ಕೇಳಿಬರುತ್ತಿವೆ.
SStv
November 26, 2024
