‘ಈ ಗಾಂಚಲಿ ನಮ್ಮತ್ರ ಬೇಡಮ್ಮ’ ಸುದೀಪ್ ಹನುಮಂತಗೆ ಕ್ಲಾಸ್

‘ಈ ಗಾಂಚಲಿ ನಮ್ಮತ್ರ ಬೇಡಮ್ಮ’ ಸುದೀಪ್ ಹನುಮಂತಗೆ ಕ್ಲಾಸ್ ಬಿಗ್ ಬಾಸ್ ಕನ್ನಡ ಶನಿವಾರದ ಎಪಿಸೋಡ್​ನಲ್ಲಿ ಕಿಚ್ಚ ಸುದೀಪ್ ಮನೆಯಲ್ಲಿ ನಡೆದ ಘಟನೆಯ ಬಗ್ಗೆ ಸ್ಪರ್ಧಿಗಳಿಗೆ ಸಾರಿ ಕ್ಲಾಸ್ ತೆಗೆದುಕೊಂಡರು. ವಿಶೇಷವಾಗಿ ಹನುಮಂತ ಅವರಿಗೆ ಕಠಿಣ ಎಚ್ಚರಿಕೆ ನೀಡಿದರು. ಹನುಮಂತ ಅವರ ‘ಟಾಸ್ಕ್ ರದ್ದಾದರೂ ತೊಂದರೆ ಇಲ್ಲ’ ಎಂಬ ಮಾತು ಕೇಳಿ ಸುದೀಪ್ ಖಂಡಿಸಿದರು. ‘ಹನುಮಂತ, ಈ ರೀತಿ ಗಾಂಚಲಿ ಮಾತುಗಳು ನಮ್ಮತ್ರ ಬೇಡ. ನಿಮ್ಮ ಮಾತುಗಳಿಂದ ಟಾಸ್ಕ್​​ಗಳ ಮೇಲೆ ಹಾಸ್ಯ ಮಾಡೋ ಹಕ್ಕು ಯಾರಿಗೂ ಇಲ್ಲ. ಬಿಗ್ ಬಾಸ್ ಮನೆ ಯಾರಪ್ಪನ ಆಸ್ತಿ ಅಲ್ಲ. ನೀವು ಮರೆತರೆ ಎಷ್ಟೇ ವೋಟ್ ಬಿದ್ದರೂ ಕೂಡ ಹೊರಗೆ ಕಳಿಸುವ ಜವಾಬ್ದಾರಿ ನನ್ನದು,’ ಎಂದರು ಸುದೀಪ್. ಈ ಎಪಿಸೋಡ್​ನಲ್ಲಿ ಸುದೀಪ್ ಅವರ ಕಟ್ಟುನಿಟ್ಟಾದ ಧೋರಣೆ ಪ್ರೇಕ್ಷಕರ ಗಮನಸೆಳೆದಿದೆ. ಹನುಮಂತ ಈ ಮಾತಿಗೆ ಸುಮ್ಮನಾಗಿ ತಲೆ ಆಡಿಸಿದರು. ಪ್ರತಿ ವಾರದಂತೆ ಈ ಬಾರಿ ಸ್ಪರ್ಧಿಗಳ ಟಾಸ್ಕ್ ಎಡವಟ್ಟಿನಿಂದ ಸೃಷ್ಟಿಯಾದ ಸಮಸ್ಯೆ ಸುದೀಪ್ ಅವರ ಕೋಪಕ್ಕೆ ಕಾರಣವಾಯಿತು. ಈ ಕಠಿಣ ಎಚ್ಚರಿಕೆಯಿಂದಾಗಿ ಮುಂದಿನ ದಿನಗಳಲ್ಲಿ ಹನುಮಂತ ಮತ್ತು ಇತರ ಸ್ಪರ್ಧಿಗಳ ವರ್ತನೆಯಲ್ಲಿ ಏನೆಲ್ಲಾ ಬದಲಾವಣೆ ಆಗುತ್ತದೆ ಎನ್ನುವುದು ಕುತೂಹಲ ಹುಟ್ಟಿಸಿದೆ.