ವಿದೇಶದ ಬೀದಿಯಲ್ಲಿ ರಾಧಿಕಾ ಪಂಡಿತ್ ಐಸ್ ಕ್ರೀಮ್ ಸವಿದ ಕ್ಷಣಗಳು ವೈರಲ್!

ರಾಕಿಂಗ್ ಸ್ಟಾರ್ ಯಶ್ ಪತ್ನಿ, ಪ್ರಸಿದ್ಧ ನಟಿ ರಾಧಿಕಾ ಪಂಡಿತ್ ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಕೆಲವೊಂದು ಹತ್ತಿರದ ಮನಸ್ಸಿಗೆ ಹತ್ತಿರವಾದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳು ಮಾತ್ರವಲ್ಲ, ಅವುಗಳ ಜೊತೆ ನೀಡಿದ ಆರ್ಥಪೂರ್ಣ ಸಂದೇಶವೂ ಇದೀಗ ವೈರಲ್ ಆಗುತ್ತಿದೆ.

ಅವರ ಕೈಯಲ್ಲಿ ಐಸ್ ಕ್ರೀಮ್ ಕೋನ್, ಮುಖದಲ್ಲಿ ಮಂದಹಾಸ, ಹೃದಯದಲ್ಲಿ ಮುಕ್ತತೆ ಇವೆಲ್ಲವೂ ಸೇರಿ ಆ ಕ್ಷಣವನ್ನೂ, ಆ ಮನಸ್ಥಿತಿಯನ್ನೂ ವಿಶೇಷವಾಗಿಸುತ್ತವೆ. ರಾಧಿಕಾ ಧರಿಸಿರುವ ಸ್ಲೀವ್‌ಲೆಸ್ ಕ್ರಿಮ್‌ ಕಲರ್ ಗೌನ್, ಓಪನ್ ಹೇರ್ ಸ್ಟೈಲ್, ಬ್ಲಾಕ್ ಶೇಡ್ಸ್ ಈ ಎಲ್ಲವೂ ಒಂದೊಂದು ಫ್ಯಾಷನ್ ಸ್ಟೇಟ್ಮೆಂಟ್ ಆಗಿವೆ.

ಈ ಫೋಟೋಗಳ ಬ್ಯಾಗ್ರೌಂಡ್ ನೋಡಿದರೆ ಸ್ಪಷ್ಟವಾಗುತ್ತದೆ ಈ ಸ್ಥಳ ಭಾರತದಲ್ಲಿಲ್ಲ. ಏಕೆಂದರೆ ಇಲ್ಲಿ ಎತ್ತರದ ಕಟ್ಟಡಗಳು, ಸ್ವಚ್ಛ ರಸ್ತೆಗಳು, ಫುಟ್ಪಾತ್‌ಗಳು ಎಲ್ಲವೂ ಶಾಂತ ವಾತಾವರಣವನ್ನು ತೋರಿಸುತ್ತವೆ. ಇಲ್ಲೆಲ್ಲಾ ಅಸಾಧಾರಣ ಶಾಂತಿ ಅಭಿಮಾನಿಗಳ ಚಪ್ಪಾಳೆ ಇಲ್ಲ, ಸೆಲ್ಫಿ ಕೋರಿಕೆಗಳ ಗದ್ದಲ ಇಲ್ಲ. ಇದೊಂದು ಬಿಡುವಿನ ಕ್ಷಣ ಹಕ್ಕಿಯಂತೆ ಮನಸಾರೆ ಓಡಾಡುವ ಕ್ಷಣ.

ಈ ಅದ್ಭುತ ಕ್ಷಣಗಳಿಗೆ ರಾಧಿಕಾ ಪಂಡಿತ್ ಬರೆದ ಸಾಲು ಹೆಚ್ಚು ಕಣ್ಣು ಹಿಡಿದಿದೆ, "Good thing that it’s always summer somewhere" ಅಂದರೆ, "ಬೇಸಿಗೆ ಎಲ್ಲಾದರೂ ಒಂದಲ್ಲೊಂದು ಕಡೆ ಇರುತ್ತದೆ" ಎಂಬ ಸರಳ ಸಾಲು, ಜೀವನದ ಸೌಂದರ್ಯವನ್ನೇ ಹೆಮ್ಮೆಪಡುವ ರೀತಿಯಲ್ಲಿ ಹೇಳುತ್ತದೆ. ಈ ಸಾಲು ಮಾತ್ರವಲ್ಲ, ಈ ಮೂರು ಫೋಟೋಗಳಲ್ಲೂ ರಾಧಿಕಾ ಪಂಡಿತ್ ಕೈಯಲ್ಲಿ ಒಂದೇ ಐಸ್ ಕ್ರೀಮ್ ಕೋನ್ ಇದೆ ಅದು ಮಲ್ಟಿ ಫ್ಲೇವರ್ ಆದ್ದರಿಂದ ಬಣ್ಣದಲ್ಲೂ, ಭಾವದಲ್ಲೂ ಆಕರ್ಷಕವಾಗಿದೆ. ಈ ಚಿತ್ರಗಳಲ್ಲಿ ಅವರ ಭಾವಗಳು, ಶೈಲಿ ಮತ್ತು ಅಭಿವ್ಯಕ್ತಿ ಎಲ್ಲವೂ ತುಂಬಾ ನೈಸರ್ಗಿಕ. ಇದೇ ತಾನೇ "ಸೌಂದರ್ಯ ಅಂದರೆ ಸರಳತೆ" ಎನ್ನುವ ಹಳೆಯ ಮಾತಿಗೆ ಹೊಸ ಅರ್ಥ ನೀಡಿದ ಕ್ಷಣ!