ಬಿಗ್ ಬಾಸ್ ಮನೆಯಲ್ಲಿ ಹಳಬರು-ಹೊಸಬರ ಮಹಾ ಮಿಲನ ಸಂತು-ಪಂತು ಜೊತೆ ಬಿಗ್ಬಾಸ್ ವಿಶೇಷ ಮನವಿ ಬಿಗ್ ಬಾಸ್ ಸೀಸನ್-10 ರವಿವಾರದ ಸಂಚಿಕೆಯಲ್ಲಿ ಕುತೂಹಲ ಹೆಚ್ಚಿಸುತ್ತಾ ಹಳೆ ಸ್ಪರ್ಧಿಗಳು ಮನೆಯೊಳಗೆ ಪ್ರವೇಶಿಸಿದ್ದು ವಿಶೇಷ ಆಕರ್ಷಣೆ ಸೃಷ್ಟಿಸಿದೆ. ಮುಂಚಿನ ಸೀಸನ್‌ನ ಜನಪ್ರಿಯ ಸ್ಪರ್ಧಿಗಳಾದ ಬೆಂಕಿ ತನಿಷಾ ಕುಪ್ಪಂಡಾ, ಡ್ರೋನ್ ಪ್ರತಾಪ್, ವರ್ತೂರು ಸಂತೋಷ ಹಾಗೂ ಮತ್ತೊಬ್ಬರು ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟು ಹೊಸ ಸ್ಪರ್ಧಿಗಳಿಗೂ, ಪ್ರೇಕ್ಷಕರಿಗೂ ಅದ್ದೂರಿ ಸರ್ಪ್ರೈಸ್ ನೀಡಿದರು. ಸಂತು-ಪಂತು ಮತ್ತೆ ಒಟ್ಟಿಗೆ ವರ್ತೂರು ಸಂತೋಷ ಹಳೆಯ ಗೆಳೆಯ ತುಕಾಲಿ ಸಂತು ಅವರನ್ನು ಮನೆಗೆ ಎಂಟ್ರಿ ಕೊಡುವಾಗ ತುಕಾಲಿ ಸಂತು ಸಂತೋಷದಿಂದ ಓಡಿ ಹೋಗಿ ಗೆಳೆಯನನ್ನು ತಬ್ಬಿಕೊಂಡ ಕ್ಷಣ ಪ್ರೇಕ್ಷಕರಿಗೆ ಭಾವನಾತ್ಮಕ ಕ್ಷಣಗಳನ್ನು ಒದಗಿಸಿತು. ಚುಟು ಚುಟು ಡ್ಯಾನ್ಸ್ ಸಂಜೆಯ ಹಂಗಾಮಾಗೆ ಹನುಮಂತು ಮತ್ತು ತನಿಷಾ ಕುಪ್ಪಂಡಾ ‘ಚುಟು ಚುಟು ಅಂತೈತೆ’ ಗೀತೆಗೆ ತಾಜಾ ಎನರ್ಜಿಯ ಡ್ಯಾನ್ಸ್ ಮಾಡಿ ಮನೆಯಲ್ಲಿ ಜೋಶ್ ಹೆಚ್ಚಿಸಿದರು. ಸೀನಿಯರ್ ಸ್ಪರ್ಧಿಗಳ ಮಾರ್ಗದರ್ಶನ ಹಳೆಯ ಸ್ಪರ್ಧಿಗಳು ಹೊಸಬರಿಗೆ ತಮ್ಮ ಆಟದ ಅನುಭವಗಳನ್ನು ಹಂಚಿಕೊಂಡು, ಜ್ಯೂನಿಯರ್ ಸ್ಪರ್ಧಿಗಳಿಗೆ ಮಾರ್ಗದರ್ಶನ ನೀಡುವಂತೆ ತೋರುತ್ತಿದೆ. ಬಿಗ್ ಬಾಸ್ ಮನೆಯಲ್ಲಿ ಈಗ ಸ್ಫರ್ಧಾ ಹಂಬಲ ಮತ್ತಷ್ಟು ಉತ್ಸಾಹ ಭರಿತವಾಗಿದೆ. ಈ ಹಳಬರು-ಹೊಸಬರ ಮಹಾ ಮಿಲನ ಬಿಗ್ ಬಾಸ್ ಮನೆಯಲ್ಲಿ ಮುಂದಿನ ದಿನಗಳಲ್ಲಿ ಇನ್ನಷ್ಟು ಕುತೂಹಲಕಾರಿಯಾಗಿ ಎದುರಾಗುವ ಆಟದ ತಿರುವುಗಳಿಗೆ ವೇದಿಕೆ ಒದಗಿಸಿದೆ.
SStv
December 9, 2024
